Sud Leninskaha rajona Mahilova aštrafavaŭ 27 krasavika aktyvista AHP Mikałaja Hładyšava za razdaču drukavanych vydańniaŭ na antykarupcyjnuju tematyku na 25 bazavych vieličyń (4,5 młn rubloŭ).
Nahadajem, Hładyšaŭ byŭ zatrymany ranicaj na čyhunačnym vakzale Mahilova, dzie jon raspaŭsiudžvaŭ apazicyjnuju presu, u pryvatnaści hazietu «Novy čas» i biuleteń «Nie — karupcyi». Supracoŭniki milicyi abvinavacili jaho ŭ niezakonnym raspaŭsiudzie pradukcyi srodkaŭ masavaj infarmacyi (č. 2 art. 22.9 Kodeksa ab administracyjnych pravaparušeńniach).
«Sudździa Panasienka prysudziła mnie štraf u 25 bazavych vieličyń. Ja budu abskardžvać jaje rašeńnie», — paviedamiŭ Mikałaj Hładyšaŭ. Aktyvist vinavatym siabie nie pryznaje, tłumačačy heta tym, što prava na svabodny raspaŭsiud i atrymańnie infarmacyi jamu harantavanaje Kanstytucyjaj Biełarusi.
