12 maja duet praviadzie pieršuju indyvidualnuju repietycyju na scenie Vienskaj haradskoj zały (Wiener Stadthalle), 15 maja adbudziecca druhaja repietycyja i pres-kanfierencyja. Viečaram 17 maja biełaruskija kankursanty razam ź inšymi artystami voźmuć udzieł u aficyjnaj cyrymonii adkryćcia konkursu ŭ vienskaj ratušy.
Sioleta biełaruskaja delehacyja składajecca z 21 čałavieka. Dla konkursu padrychtavana promapradukcyja ŭ vyhladzie paštovak, prezientacyjnych bukletaŭ, błaknotaŭ i majek, a dla pakłońnikaŭ — pledy z vyjavaj dueta i elektronnyja hadzińniki z fłeš-kartaj, na jakoj raźmieščana infarmacyja ab artystach.
Duet Uzari & Maimuna — heta vykanaŭca, kampazitar i aranžyroŭščyk minčanin Juryj Naŭrocki (Uzari), jakomu 11 maja spoŭnicca 24 hady, i 35-hadovaja skrypačka Majmuna, uradženka Sankt-Pieciarburha, u žyłach jakoj ciače biełaruskaja, ukrainskaja, ispanskaja i afrykanskaja kroŭ.
Abodva jany — vopytnyja muzykanty, udzielniki mižnarodnych konkursaŭ. Prava vystupać na «Jeŭrabačańni» atrymali pa vynikach nacyjanalnaha adboračnaha tura.
Šaścidziasiaty konkurs «Jeŭrabačańnie» projdzie ŭ Vienie 19—23 maja pad słohanam «Budujučy masty» (Building Bridges). Sioleta ŭ im budzie ŭdzielničać rekordnaja kolkaść krain — 40. U lutym arhanizacyjnaja hrupa «Jeŭrabačańnia» i televizijny kamitet Jeŭrapiejskaha viaščalnaha sajuza pryniali rašeńnie dapuścić da ŭdziełu ŭ jubilejnym konkursie Aŭstraliju. Pradstaŭnik hetaj krainy vystupić adrazu ŭ finale konkursu, jak i pradstaŭniki krain — zasnavalnic konkursu i Aŭstryi, jakaja vyjhrała letašniaje «Jeŭrabačańnie». Biełaruś udzielničaje ŭ konkursie 12-y raz.
Akramia ŭdzielnikaŭ konkursu na «Jeŭrabačańni» buduć prysutničać kala 1.300 členaŭ delehacyj krain-udzielnic, a taksama amal 1.700 žurnalistaŭ.
Pramuju tranślacyju dvuch paŭfinałaŭ i finału konkursu buduć vieści telekanały «Biełaruś 1» i «Biełaruś 24». Kamientavać šou budzie žurnalist Jaŭhien Pierlin. U finale, jaki adbudziecca 23 maja, bały ad Biełarusi abjavić śpiavak Tea — biełaruski ŭdzielnik letašniaha «Jeŭrabačańnia».
