Akcior ź viadomaha rasijskaha sieryjała «Realnyja pacany» Alaksandr Kilin, jaki abvinavačvajecca ŭ zhvałtavańni i zabojstvie dziaŭčyny ŭ Piermi, častkova pryznaŭ svaju vinu, paviedamiŭ staršy pamočnik kiraŭnika SK RF pa Piermskim krai Andrej Olin.
Foto: Alex_Kilin
Pa viersii śledstva, 30 žniŭnia minułaha hoda akcior Alaksandr Kilin paznajomiŭsia z 19-hadovaj dziaŭčynaj u adnoj ź piermskich kaviarniaŭ. Uviečary jon pajšoŭ jaje pravodzić i, jak miarkujuć u pravaachoŭnych orhanach, u parku zhvałciŭ i zabiŭ. U čaćvier Piermski krajavy sud pačaŭ razhladać spravu akciora.
«Abvinavačany častkova pryznaŭ svaju vinu, skazaŭ, što nie chacieŭ zabivać jaje. Siońnia krajovy sud pravioŭ pieršaje pasiadžeńnie pa spravie, kolki pradoŭžycca razhlad, pakul nieviadoma», — skazaŭ Olin. Jon adznačyŭ, što da pryniaćcia rašeńnia sudom Kilin budzie znachodzicca pad vartaj.
Raniej paviedamlali, što maładoha čałavieka apaznali z dapamohaj videakamier, na zapisach jakich vidać, jak jon vychodzić z kaviarni ŭśled za dziaŭčynaj. Za čas rasśledavańnia było dapytana paradku saraka śviedak.
