Dziaržsakratara ZŠA Džona Kery dastavili na viertalocie ŭ špital Ženievy.
Pra heta paviedamiŭ aficyjny pradstaŭnik amierykanskaha źniešniepalityčnaha viedamstva Džon Kirbi.
«Stan dziaržsakratara stabilny. U vyniku traŭmy jon nie straciŭ prytomnaść», — zajaviŭ Kirbi.
Jak miarkujecca, kiraŭnik Dziarždepu zvaliŭsia z rovara padčas prahułki ŭ francuzskim horadzie Śjenźje, jaki znachodzicca na miažy sa Šviejcaryjaj, u 50 kiłamietrach ad Ženievy, i paškodziŭ nahu.
The Telegraph pisaŭ, što ŭ sakaviku ŭ Šviejcaryi u Džona Kery ŭźnikli prablemy ź pieraklučeńniem pieradač na rovary. Usie niepaładki byli nieŭzabavie likvidavanyja. Pa infarmacyi vydańnia, hety rovar u dziaržsakratara ŭžo kala dziesiaci hadoŭ.
0
0
0
0
0
0
