 Alaksandar Kosiniec |
Košt apłaty za navučańnie studentaŭ‑inšaziemcaŭ u Biełarusi treba pierahledzieć. Takuju dumku vykazaŭ namieśnik premjer‑ministra respubliki Alaksandr Kosiniec 16 lutaha na kanfierencyi Mižnarodnaj asacyjacyi vypusknikoŭ VNU.
«Heta pytańnie nie tolki zabieśpiačeńnia akupnaści adukacyjnych pasłuh, ale i prestyžu krainy», — ličyć vice‑premjer.
Samaja prestyžnaja adukacyja — miedycynskaja — u Oksfardzie kaštuje amal $45 tys., jurydyčnyja, ekanamičnyja, budaŭničyja śpiecyjalnaści — amal $20 tys. U Biełarusi ž padrychtoŭka śpiecyjalista kaštuje ad $2 da $3 tys.
«My nie možam davać parady zamiežnym hramadzianam, jak lepš afarmlać dakumienty na navučańnie — asabista abo praź firmu‑pasrednika, razam z tym my vystupajem za prazrystuju i sumlennuju ekanomiku ŭ pytańniach padrychtoŭki kadraŭ», — dadaŭ Alaksandr Kosiniec.
U Biełarusi dziejnaść u śfiery pradastaŭleńnia płatnych adukacyjnych pasłuh zamiežnym hramadzianam ažyćciaŭlaje 51 ustanova adukacyi. Alaksandr Kosiniec paviedamiŭ udzielnikam kanfierencyi, što ŭ respublicy zaćvierdžana Kancepcyja raźvićcia ekspartu adukacyjnych pasłuh u ramkach supracoŭnictva Biełarusi z zamiežnymi dziaržavami. U joj, u pryvatnaści, praduhledžvajecca da 2010 hoda pavialičyć ekspart adukacyjnych pasłuh u 1,6 raza adnosna 2005 hoda, što składzie, pavodle papiarednich acenak, $7,11 młn. Raźvićcio hetaha napramku pryznačana stać važnym składalnikam źniešnieekanamičnaj dziejnaści krainy. Realizacyja kancepcyi budzie sadziejničać pryciahnieńniu zamiežnych hramadzian na vučobu ŭ Biełaruś, pašyreńniu supracoŭnictva z zamiežnymi hramadzianami — vypusknikami ŭstanoŭ adukacyi ŭ intaresach ekspartaaryjentavanych halin vytvorčaści.
