U papularnym anłajn-servisie abmienu fatahrafijami Instagram źjaviŭsia novy pošuk pavodle raźmiaščeńnia fatahrafavanaha abjekta i chešteha.
Instagram robicca nie prosta sacsietkaj, ale i instrumientam pa adsočvańniu trendaŭ i pošuku fotazdymkaŭ u realnym časie. Pošuk byŭ i raniej, ale zaraz jon istotna abnaviŭsia. Papularnyja miescy i cheštehi buduć źmiaščacca ŭ raździele «Cikavaje».
Jak pišuć sami raspracoŭščyki, heta «dazvolić mieć ujaŭleńnie pra toje, što adbyvajecca ŭ dadzienuju chvilinu ŭ kankretnych miescach płaniety». Na novaj staroncy taksama budzie mahčymaść pahladzieć na abranyja miescy i fota — rabicca hetaja padborka budzie ŭručnuju kamandaj servisu.
Pakul novaŭviadzieńni dastupnyja tolki žycharam ZŠA, usie karystalniki pabačać navinki z abnaŭleńniem 7.0.0.
