Aktyvist z Kobryna Aleś Miech vyrašyŭ admovicca ad svaich prezidenckich ambicyj i padtrymać inicyjatyvu Niaklajeva ab vyłučeńni adzinym kandydatam ad demsił Statkieviča, paviedamlaje BiełaPAN.
Nahadajem, što jašče ranicaj Aleś Miech u intervju «Našaj Nivie» kazaŭ pra ŭdzieł u vybarčaj kampanii.
«Svaju kampaniju my pačali našmat raniej i adkazali na ŭsie pytańni. Kali narod pytajecca: «A chto inšy akramia Łukašenki?» — «Alaksandr Miech». «Chto jon taki?» — my dali bijahrafiju. «Čaho ad jaho možna čakać i što jon prapanuje?» — my adzinyja na siońniašni momant, u kaho jość prezidenckaja prahrama. I tut uźnikaje inšaje pytańnie: jak zrabić, kab hetaja prahrama mahła pajści ŭ žyćcio. Treba, kab byli sumlennyja i spraviadlivyja vybary. Na siońniašni momant adbyvajucca fejkavyja vybary. I ŭdzielničać u hetym fejku nie treba», — skazaŭ Miech.
«My prapanujem źmienu vybarčaha zakanadaŭstva i volnuju palityčnuju prastoru — najpierš vypuścić usich palitviaźniaŭ». Kali heta nie budzie vykanana, Miech źbirajecca «prosta źviartacca da ludziej nie ŭdzielničać u hetych vybarach. A kaho zahoniać, to ŭ ich zastajecca adno — vykreślivać usich u hetych śpisach. Chto pry hetaj situacyi budzie ŭ vybarčych śpisach, źjaŭlajecca hulcom z administracyi prezidenta», — zajaviŭ jon u kamientary dla «Našaj Nivy».
***
Pałata pradstaŭnikoŭ učora pryznačyła prezidenckija vybary na 11 kastryčnika.
Pra svaje vybarčyja ambicyi zajavili Taćciana Karatkievič, Siarhiej Kalakin, Anatol Labiedźka, Juryj Šulman, Siarhiej Hajdukievič.
Zajavili, što nie buduć udzielničać u vybarach Alena Anisim i Volha Karač.
