Alaksandr Łukašenka pryznačyŭ namieśnika dziaržaŭnaha sakratara Rady Biaśpieki Stanisłava Zasia vykanaŭcam abaviazkaŭ dziaržaŭnaha sakratara Rady Biaśpieki Biełarusi.
Adpaviedny ŭkaz kiraŭnik dziaržavy padpisaŭ 1 lipienia.
Zaś naradziŭsia ŭ Čarnihaŭskaj vobłaści Ukrainy ŭ 1964 hodzie.
U 1985 hodzie z adznakaj skončyŭ Bakinskaje vyšejšaje ahulnavajskovaje kamandnaje vučylišča, u 1996 hodzie z adznakaj i załatym miedalom — Vajskovuju akademiju Biełarusi, a ŭ 2005 hodzie taksama z adznakaj i załatym miedalom — Vajskovuju akademiju Hienieralnaha štaba Rasii. Kandydat vajskovych navuk.
Prachodziŭ słužbu i pracavaŭ va Uzbrojenych Siłach, MUS, KDB, Pamiežnych vojskach. byŭ načalnikam adździeła vajennaha budaŭnictva hałoŭnaha apieratyŭnaha ŭpraŭleńnia Hienieralnaha štaba Uzbrojenych sił Biełarusi zajmaŭ pasadu namieśnika načalnika hałoŭnaha ŭpraŭleńnia — načalnika 1-ha ŭpraŭleńnia hałoŭnaha apieratyŭnaha ŭpraŭleńnia Hienieralnaha štaba Uzbrojenych Sił Biełarusi. Z 2008 hoda pracavaŭ namieśnikam Dziaržaŭnaha sakratara Rady Biaśpieki.
