Tut i nižej fota: mallardg500 via Flickr
Hladziš na zdymak i prosta čuješ «Žyvieš tolki raz!», piša Mashable pra sieryju zdymkaŭ kitajskaha fatohrafa Fu Čana.
«Spačatku ja dumaŭ, što varona choča prahnać arła, — kaža Čan. — Ale potym ja z zachapleńniem pabačyŭ, jak varona na samoj spravie sieła na śpinu arła. Jany potym raźlacielisia ŭ roznyja baki, vyhladała tak, što jany zastalisia siabrami».
Nieviadoma, ci varona napraŭdu pa-siabroŭsku hulała z arłom, ci paspračałasia ź siabrami na «słabo». U lubym vypadku, advažnuju varonu čakaje słava pa viartańni dadomu, robić vysnovu Mashable.
Miarkujučy pa akaŭncie Fu Čana na Flickr, fatohraf — vialiki amatar ptušak. Praktyčna kožny zdymak pa spasyłcy pa-svojmu fantastyčny.
Adznačym, što heta nie pieršy vypadak, kali fatohrafy zaŭvažajuć niezvyčajnyja pajezdki adnych žyvioł na inšych u dzikaj pryrodzie. U sakaviku nabyŭ papularnaść zdymak łaski, jakaja asiadłała dziatła, u červieni — janota, jaki prapłyŭ na krakadzile.
