Słova žurnalista ŭ sučasnym śviecie pavinna kansalidavać hramadstva. Takoje mierkavańnie vykazała siońnia ŭ Viciebsku ministr infarmacyi Lilija Ananič u chodzie kruhłaha stała «Kultura i mastactva jak krynica raźvićcia duchoŭna-maralnych kaštoŭnaściej. Rola ŚMI ŭ farmiravańni ahulnaj kulturnaj prastory słavianskich narodaŭ».
Ministr padkreśliła, što dla abmierkavańnia za kruhłym stałom u fiestyvalnym Viciebsku vyniesiena hłybokaja tema, jakuju zadumvali jak akcent sioletniaha fiestyvalu.
«Prezident u zvarocie da ŭdzielnikaŭ i haściej forumu skazaŭ, što Biełaruś pa pravu stała placoŭkaj mirnych inicyjatyŭ, pravadnikom idej miru i supracoŭnictva, — adznačyła Lilija Ananič. — Vielmi chaciełasia b, kab tvorčyja desanty žurnalistaŭ pryjazdžali ŭ krainu nie tolki ŭ fiestyvalnyja dni, a zaŭsiody, kali ŭ tym jość nieabchodnaść i cikavaść. My hatovy dapamahać u arhanizacyi takich pajezdak i nie tolki pa temie kultury, a pa roznym śpiektry pytańniaŭ, jakija cikavyja dla srodkaŭ masavaj infarmacyi».
Lilija Ananič padkreśliła, što ministerstva hatova da dyjałohu i čakaje prapanoŭ pa ŭdaskanaleńni dziejnaści, kab žurnalisty mahli jašče bolš efiektyŭna vykonvać svaju rabotu. «Tamu što siońnia słova žurnalista jak nikoli pavinna kansalidavać čytača i hledača, pradstaŭniki ŚMI pavinny šukać hłybokija dumki i słovy, jakija abjadnoŭvajuć narody i krainy», — pierakanana ministr.
Jana padkreśliła, što ŭ Biełarusi presie ŭdzialajecca šmat uvahi. «Kiraŭnik dziaržavy svaim ukazam zasnavaŭ znak «Vydatnik telebačańnia i radyjoviaščańnia». I mnie vielmi pryjemna, što jość mahčymaść uručyć adnu z takich uznaharod pradstaŭniku teleradyjokampanii «Viciebsk» Valeryju Zialvinskamu», — skazała ministr.
