«Miarkuju, što paśla vybaraŭ, jakija projduć u Rasii, i inaŭhuracyi prezidenta, źjavicca mahčymaść abmierkavać napracavany prajekt dakumienta ŭ VDS», — dadaŭ śpikier.
Kali členy Vyšejšaha Dziaržsavieta zrobiać niejkija zaŭvahi, to kamisija pa raspracoŭcy Kanstytucyjnaha akta hatova apieratyŭna ŭnieści nieabchodnyja papraŭki. Dla hetaha jana maje kvalifikavanych ekśpiertaŭ, ličyć biełaruski palityk. U vypadku, kali VDS adobryć dakumient, to ŭ Biełarusi i Rasii adnačasova pavinien budzie prajści refierendum — svaju pazicyju vykaža narod.
Vadzim Papoŭ padkreśliŭ, što Kanstytucyjny akt — heta surjozny dakumient z 68 hłaŭ. Jon zasnavany na dziejučym sajuznym dahavory, u jakim hałoŭnymi orhanami kiravańnia źjaŭlajucca Vyšejšy Dziaržsaviet, Sajuzny ŭrad i parłamient. Subiasiednik dadaŭ, što «kali VDS na hetym etapie paličyć nieabchodnym prapracavać i varyjant prezidenckaha kiravańnia, to kamisija hatova jaho razhledzieć». «Ale pakul što daktryna adna — kiravacca sajuznym dahavoram. Tamu što, kali adstupać ad jaho, to tady treba vielmi chutka prymać novyja rašeńni, pravodzić refierendum i prapisvać, što dahavor dziejničaje tolki ŭ tych ramkach, jakija nie supiarečać Kanstytucyjnamu aktu», — skazaŭ Vadzim Papoŭ.
