Alaksandr Łukašenka zapatrabavaŭ razabracca z farmiravańniem roźničnych cen na harodninu i za 5 hadoŭ vyrašyć pytańnie zabieśpiačeńnia nasielnictva ciapličnaj pradukcyjaj.
Takuju zadaču jon pastaviŭ siońnia padčas naviedvańnia KUP «Minskaja aharodninnaja fabryka», pieradaje BiełTA.
Kiraŭnik dziaržavy źviarnuŭ uvahu na toje, što płodaaharodninnaja pradukcyja, traplajučy na pryłaŭki handlovych sietak, stanovicca ŭ dva razy daražejšaj.
«Na hetym nichto nie pavinien nažyvacca!» — zajaviŭ jon. «A to pryhoža: pamidory, ahurki i inšaje… A cana? Chto ŭ kišeniu kładzie hrošy za hetuju pryhažość?» — adznačyŭ Łukašenka.
Jon papiaredziŭ urad ab biezumoŭnym vykanańni daručeńnia pa abaronie ŭnutranaha rynku.
«My addali svaje rynki ispancam, hałandcam, jakija nas kvasiać na kožnym kroku, a sami prabivajemsia ŭ Afryku i Kitaj. Heta narmalna? Nie. Vyrašajcie!» — skazaŭ Łukašenka.
Jon pastaviŭ zadaču za 5 hadoŭ vyrašyć pytańnie zabieśpiačeńnia nasielnictva ciapličnaj pradukcyjaj. «Davajcie damovimsia tak: budziem my pracavać abo nie budziem, ale za budučuju piacihodku pytańnie pa ciaplicach treba źniać!
Treba pabudavać ich stolki i pa samych sučasnych technałohijach, kolki nam treba. Za piacihodku hetaje pytańnie rašajem», — skazaŭ kiraŭnik dziaržavy.
«A kankurencyja… Kali ispancy chočuć u nas pradać svoj tavar, chaj kankurujuć i pradajuć», — dadaŭ Łukašenka.
Jon ličyć, što nieabchodna ŭkładvać srodki, nakolki heta mahčyma, i stvarać ciaplicy pablizu Minska.
Łukašenka adznačyŭ, što vyhadavanaja ŭ miežach minskaj kalcavoj darohi ŭ ciaplicach pradukcyja zmoža pastupać u handlovyja sietki stalicy z najmienšymi vydatkami na dastaŭku.
Ciapier ža va ŭmovach zimovych ciaplic vyroščvajecca 15 najmieńniaŭ kultur: ahurki, tamaty, bakłažany, pierac, sałata, rukoła, bazilik, salera, krop, piatruška, kinza, ščaŭje i inšyja zialonyja kultury.
