Arciom Baršak kampjutarnaj hulnioj zarabiŭ na kvateru.
Rasijskaja kamanda Virtus.pro zaniała šostaje miesca na čempijanacie pa Dota-2 The International 2015, paviedamlaje42.TUT.BY sa spasyłkaj na sajt prajekta. U liku ŭdzielnikaŭ kamandy byŭ i biełarus z Bresta.
Virtus.pro pieramahła ŭ troch hulniach čempijanatu, adnak sastupiła hulcam z kitajskaj kamandy LGD Gaming ŭ paŭfinale nižniaj sietki za try kroki ad finału). Takim čynam, rasijskaja kamanda skončyła svoj udzieł u čempijanacie na šostym miescy i pakazała najlepšy vynik siarod usich kamand z karaniami z SND.
U składzie Virtus.pro hulaje 19-hadovy bieraściejec Arciom Baršak, viadomy pad nikam Fng. U rasijskuju kamandu jon trapiŭ uvosieni 2014 hoda, da hetaha ŭznačalvaŭ ŭkrainskuju kamandu Natus Vincere.
Za šostaje miesca na The International kamanda Virtus.pro atrymaje 1 193 165 dołaraŭ.
Kamanda pa Dota-2 składajecca ź piaci asnoŭnych hulcoŭ i adnaho zapasnoha.
The International — najbujniejšy ŭ śviecie čempijanat pa hulni Dota-2, jaki pravodzicca kampanijaj Valve. U hetym hodzie jon prachodzić z 3 pa 8 žniŭni 2015 hoda ŭ Sietle ŭ ZŠA. Ahulny pryzavy fond čempijanatu skłaŭ 18 miljonaŭ dalaraŭ ZŠA, a kamandzie, jakaja zojmie pieršaje miesca, dastaniecca bolš za 6,5 miljonaŭ.
