Staršynia Adeskaj abłasnoj dziaržadministracyi Michaił Saakašvili zajaŭlaje, što ŭkrainski ŭrad kantralujuć aliharchi. Pra heta jon zajaviŭ u intervju «5 kanała» ŭ čaćvier, 3 vieraśnia.
Saakašvili adznačyŭ, što premjer-ministr Arsień Jacaniuk admoviŭsia razhledzieć dakład ab košcie avijapieralotaŭ i dziejnaści kiraŭnika Dziaržavijasłužby Dzianisa Antaniuka, jaki byŭ adchileny paśla skandału, ale ŭžo viarnuŭsia na pasadu.
«Ź jakich intaresaŭ vychodzić Jacaniuk — Kałamojskaha abo dziasiatkaŭ miljonaŭ pasažyraŭ Ukrainy? Učora Jacaniuk pryniaŭ rašeńnie na karyść Kałamojskaha. Tak, jak jon rehularna prymaŭ rašeńnie na karyść Achmietava i inšych… Kantralujuć ukrainski ŭrad ŭsie hetyja aliharchičnyja intaresy», — zajaviŭ staršynia Adeskaj ADA.
«Antaniuk (iznoŭ) siadzić u kabiniecie. I pakul jon nie siadzieŭ u kabiniecie, ni adnaho rašeńnia hetaja słužba nie pryniała nasupierak Kałamojskamu», — aburyŭsia jon.
Pry hetym Saakašvili kateharyčna admoviŭsia na pytańnie pra hatoŭnaść zaniać kresła Jacaniuka: «Nie! Nie! Nie!».
