Miesca zdareńnia. Kadr z repartaža 46TV
U noč z 6 na 7 vieraśnia ŭ dvary žyłoha doma na vulicy Čarnyšeŭskaha ŭ Kursku (Rasija) miascovyja žychary ŭratavali 42-hadovaha mužčynu, jakoha nieviadomyja sprabavali paviesić, raspaviadaje miascovy kanał 46TV.
Jak raspaviadajuć miascovyja, unočy ŭvieś dom pačuŭ kryki sa dvara. Ludzi, što kinulisia na padmohu, pabačyli na dziciačaj placoŭcy mužčynu ŭ žanočym adzieńni, paviešanaha na kałhotkach. Jaho ruki byli źviazanyja taksama kałhotkami.
Paciarpiełaha atrymałasia ŭratavać, paśla čaho žychary doma vyklikali milicyju i chutkuju. Mužčyna byŭ apranuty ŭ žanočyja letnija boty i spadnicu, na im byŭ paryk. Na im byŭ makijaž, jaki miascovaja žančyna nazvała «dyletanckim».
Pa słovach paciarpiełaha, jon nie žyvie ŭ domie pobač ź miescam zdareńnia, jon «z KZTZ» (rajon zavoda «Kurskahramaš», za niekalki kiłamietraŭ ad miesca zdareńnia).
U vieraśni 46TV paviedamlaŭ, što na toj ža vulicy byŭ zatrymany mužčyna, padobny pa apisańni da paciarpiełaha: 42-hadovy, ŭ žanočym adzieńni, z makijažam i parykom, «z KZTZ». Na jaho pastupili skarhi nienazvanaha charaktaru ad miascovych žycharoŭ. Ale palicyja jaho adpuściła, bo nie znajšła pryčyn dla zatrymańnia: mužčyna byŭ ćviarozy i «nie debašyryŭ», a apranacca mužčynam u žanočaje adzieńnie rasijskija zakony nie zabaraniajuć.
Miesca zdareńnia 46TV nazyvaje niespakojnym: žychary doma pieryjadyčna bačać na turnikach u dvary «ahryzki» kałhotak, a taksama adnojčy čuli žanočyja kryki ab dapamozie — miarkujuć, žančynu hvałcili (pra kryminalnuju spravu pa hetym fakcie nie paviedamlajecca). Prablemu niespakojnaha dvara žychary bačać u adsutnaści aśviatleńnia.
Letam kurskaja vulica Čarnyšeŭskaha adznačyłasia jašče adnym nieardynarnym zdareńniem: u mužčyny spalili dźvie mašyny zapar.
