Z-za bieśpierapynnaha patoku mihrantaŭ charvackaja palicyja pierakryła siem z vaśmi pamiežnych pierachodaŭ ź Sierbijaj.
Darohi da pierachodaŭ taksama pierakrytyja. Miera dziejničaje da asobaha paviedamleńnia.
Raniej ułady Charvatyi zajavili, što nie mohuć prymać bolš mihrantaŭ, jakija raźličvajuć patrapić praz terytoryju krainy ŭ Zachodniuju Jeŭropu.
Na 23 vieraśnia pryznačany ekstrany samit Jeŭrapiejskaha sajuza, hałoŭnaj temaj jakoha stanie situacyja ź mihrantami.
U hetaj suviazi da miažy ź Sierbijaj buduć adpraŭlenyja dadatkovyja padraździaleńni armii, dla pierakryćcia ŭ vypadku nieabchodnaści.
Za apošnija sutki na terytoryju Charvatyi, jak paviedamlajecca, uvajšli kala 7300 čałaviek. Charvackija ŭłady zajavili, što mihranty pavinny padać dakumienty na pradastaŭleńnie prytułku, inakš jany buduć razhladacca jak parušalniki miažy.
Raniej Charvatyja zajaŭlała, što mihrantam budzie dazvolena praciahnuć šlach u inšyja krainy ES praź jaje terytoryju.
