U Babrujsku aktyvisty arhkamiteta pa stvareńni partyi «Biełaruskaja chryścijanskaja demakratyja» viečaram 30 kastryčnika praviali zbor podpisaŭ suprać raźmiaščeńnia zamiežnych vajennych baz na terytoryi Biełarusi.
Zbor prachodziŭ u histaryčnym centry horada — kala dramatyčnaha teatra imia Vincenta Dunina-Marcinkieviča.
Za hadzinu siem aktyvistaŭ sabrali kala 300 podpisaŭ haradžan, raskazała kaardynatar arhkamiteta BCHD Taisa Kabančuk.
Pavodle jaje słoŭ, ludzi raździalilisia na try hrupy. Chtości zajaŭlaŭ, što zamiežnyja bazy (jany mieli na ŭvazie rasijskija) krainie patrebnyja i bieź ich Biełaruś nie vystaić. Chtości havaryŭ, što palitykaj nie cikavicca i ŭ hetym nie raźbirajecca, sprabujučy jak maha chutčej prajści mima zborščykaŭ podpisaŭ. Ale bolšaść padtrymlivała aktyvistaŭ i pakidała svaje podpisy ŭ padtrymku taho, kab zamiežnych vajennych baz u Biełarusi nie było, padkreśliła Kabančuk.
