Mižnarodnaje hramadskaje abjadnańnie «Małady front» (zarehistravanaje ŭ Čechii) 13 listapada praviało ŭ Minsku pieršaje pasiadžeńnie historyka-kulturnaha «Kłuba Vitaŭta Vialikaha».
«Kulturna-patryjatyčnyja prajekty, padobnyja da «Kłuba Vitaŭta Vialikaha», jakija my pačynajem realizoŭvać, heta sproba nadać novaje dychańnie «Maładomu frontu» i inšym patryjatyčnym arhanizacyjam, — zajaviŭ člen sojmu «MF» Dźmitryj Daškievič. — Ich zadača — stvaryć placoŭku, jakaja budzie dziejničać pastajanna, dla kaardynacyi antyimpierskaj dziejnaści prarasijskich struktur».
Pavodle słoŭ Daškieviča, siońnia Biełaruś sutykajecca ź vialikimi vyklikami, źviazanymi z pretenzijami da Rasii na panavańnie.
Palityk zaznačyŭ, što Vitaŭt Vialiki dla Biełarusi źjaŭlajecca «simvaličnaj asobaj». «Imia Vitaŭta źviazana z mahutnaściu i roskvitam dziaržavy. Mienavita tady «Pahonia» stała dziaržaŭnym simvałam», — skazaŭ jon.
Daškievič taksama paviedamiŭ, što aktyvisty «MF» płanujuć zasnavać sioleta hramadskaje vajenna-patryjatyčnaje abjadnańnie «Vajar», jakoje sprabujuć zarehistravać u Miniuście.
Sustrečy «Kłuba Vitaŭta Vialikaha» płanujecca pravodzić nie radziej čym adzin raz na miesiac. Na kožnym pasiadžeńni budzie abmiarkoŭvacca asobnaja tema. Najbližejšyja — «Vojska VKŁ», «Uschodniaja palityka vialikich kniazioŭ», «Paŭstańnie Kaściuški».
Siońnia na ŭstanoŭčym pasiadžeńni kłuba pierad prysutnymi vystupiŭ piśmieńnik i historyk Uładzimir Arłoŭ. Jon raskazaŭ pra asobu vialikaha kniazia litoŭskaha, a taksama prezientavaŭ svaju knihu «Imiony svabody».
