 |
12 sakavika nieviadomyja źniščyli bolš za 30 kryžoŭ, ustanoŭlenych hramadskaściu na terytoryi historyka‑kulturnaj kaštoŭnaści I katehoryi «Miesca źniščeńnia achviaraŭ palityčnych represij 1930—1940‑ch hadoŭ va ŭročyščy Kurapaty», uniesienaj u Dziaržaŭny śpis historyka‑kulturnych kaštoŭnaściej Respubliki Biełaruś.
Pavodle słoŭ A.Astapoviča, 27 sakavika ŭ ofis abjadnańnia pryjšoŭ list, datavany 20 sakavika, za podpisam pamočnika prakurora Minskaha rajona Śviatłany Pastuchovaj. U liście paviedamlajecca, što «pa fakcie paškodžańnia draŭlanych kryžoŭ na terytoryi historyka‑kulturnaha kompleksu «Kurapaty» Baraŭlanskim adździełam milicyi Minskaha RUUS raspačata kryminalnaja sprava na padstavie artykuła 339, častka 1 Kryminalnaha kodeksa Respubliki Biełaruś (chulihanstva)». Hety artykuł praduhledžvaje hramadskija raboty, abo štraf ci aryšt da šaści miesiacaŭ, abo pazbaŭleńnie voli da troch hadoŭ.
Staršynia tavarystva źviarnuŭ uvahu na tuju akaličnaść, što pravaachoŭnyja orhany ŭpieršyniu raspačali kryminalnuju spravu pa fakcie vandalizmu ŭ Kurapatach.
