Pra heta zajaviŭ hałoŭny trenier BATE Alaksandr Jermakovič na paślamatčavaj pres-kanfierencyi.
Što padumali paśla taho, jak Hardziajčuk nie zabiŭ?
— Hety momant budzie nam doŭha śnicca. U nas była nadzieja, ale jana pamierła. Ale pry hetym chaču skazać, što kamanda dziejničała vydatna. Chłopcy małajcy.
— Heta najlepšaja Liha čempijonaŭ u historyi BATE?
— Za hety hod my značna dadali. Składana aceńvać 2008, 2012, ale ŭ paraŭnańni ź minułym hodam my zrabili krok napierad. My pakazali, što možam hulać na dobrym uzroŭni. Nie ŭsio tak drenna ŭ nas.
— Najlepšy hulec BATE ŭ hetaj Lizie čempijonaŭ?
— Zaraz ja, napeŭna, nie hatovy skazać. Adnaznačna heta nie adzin hulec. Dobra dziejničała ŭsia kamanda. Ale kali adznačać, to Stasievič i Černik siabie dobra prajavili. Toj ža Hleb epizodami. Toj ža Miłunavič. Ale ŭsio roŭna nam nie chapaje stabilnaści navat u ramkach adnoj hulni. Kali b my hulali bolš roŭna, vynik moh być jašče lepšy, — skazaŭ Jermakovič.