«Kamitet pa abaronie žurnalistaŭ ustryvožany pieraśledam biełaruskimi ŭładami niezaležnych žurnalistaŭ u apošni čas, — paviedamlajecca ŭ raspaŭsiudžanaj arhanizacyjaj zajavie. — Biełaruski KDB pravioŭ šerah pieratrusaŭ u ofisach niezaležnych žurnalistaŭ radyjo i ŭ kvaterach bolej tuzinu žurnalistaŭ. Dva žurnalisty byli zatrymanyja i źbityja ŭ aŭtorak padčas akcyi.
U aŭtorak apanenty prezydenta Alaksandra Łukašenki naładzili masavuju manifestacyju ŭ Miensku, kab ušanavać 90-ju hadavinu Biełaruskaj Narodnaj Respubliki. Milicyja žorstka razahnała marš i aryštavała kala 100 udzielnikaŭ, siarod jakich było prynamsi 4 žurnalisty.
Karespandenty niezaležnaha štotydniovika «Naša Niva» Siamion Piečanko i Andrej Lankievič byli źbityja i zatrymanyja padčas viadzieńnia onłajn repartažu. Abodva žurnalisty mieli na sabie pres-karty i našaniŭskija paśviedčańni, na jakija milicyja nie źviarnuła ŭvahi. Sud Maskoŭskaha rajonu Miensku abvinavaciŭ Piečanka ŭ parušeńni administratyŭnaha kodeksu i pryhavaryŭ da 15 sutak aryštu — rašeńnie vyniesienaje na praciahu adnaho sudovaha pasiedžańnia».
«My nievierahodna ŭstryvožanyja takim rezkim ciskam na ŭsiu niezaležnuju presu ŭ Biełarusi, — kaža vykanaŭčy dyrektar CPJ Džoeł Sajman. — My zaklikajem ułady daterminova vypuścić Siamiona Piečanka, źniać abvinavačańnie z Andreja Lankieviča i viarnuć usio kanfiskavanaje abstalavańnie inšym pieraśledavanym žurnalistaŭ. Niezaležnaj presie musiać dazvolić danosić naviny ludziam Biełarusi i śvietu biaz strachu pra pakarańnie».
* * *
Mižnarodny kamitet pa abaronie žurnalistaŭ — heta niezaležnaja, niekamercyjnaja arhanizacyja, z centram u Ńju-Jorku, jakaja pracuje dziela achovy svabody presy va ŭsim śviecie.
