U Minsku zatrymany mužčyna, jaki adkryta vykraŭ najaŭnyja hrošy ŭ sumie $550 u svajho spadarožnika ŭ taksi, paviedamili BIEŁTA ŭ HUUS Minharvykankama.
Zdareńnie adbyłosia 29 śniežnia kala 21.30 na vulicy Jasienina.
Dvoje mužčyn skarystalisia pasłuhami taksi. Kali pryjechali na miesca, adzin z pasažyraŭ pieradaŭ svoj kašalok spadarožniku — 29-hadovamu maładomu čałavieku, kab toj raspłaciŭsia. A toj, raspłaciŭšysia, vyšmyhnuŭ z partmane hrošy, pakłaŭ sabie ŭ kišeniu i vyjšaŭ z aŭtamabila.
I adrazu schavaŭ ich u śnieh. Adnak kiroŭca taksi toje zaŭvažyŭ, dyj 68-hadovy paciarpieły — taksama.
Paśla niepraciahłych pošukaŭ padazravanaha zatrymali. Hrošy, schavanyja ŭ śniezie, viarnuli staromu.
Zatrymany, akazałasia, raniej byŭ sudzimy, nie raz pryciahvaŭsia da administracyjnaj adkaznaści. Jaho dastavili ŭ haradski adździeł milicyi №2 Maskoŭskaha RUUS Minska, dzie ŭ dačynieńni da jaho składzieny pratakoł pa artykule 206 KK (rabavańnie).
