Dziaržaŭnaje ŭpraŭleńnie abaronnaj navuki, techniki i pramysłovaści Kitaja aficyjna zajaviła pra pačatak novaha etapu daśledavańniaŭ Miesiaca i paviedamiŭ pra płany zapuścić u 2018 hodzie kaśmičny zond Chang'e-4 na «ciomny» bok naturalnaha spadarožnika Ziamli.
Na supraćlehłym baku Miesiaca, jaki niemahčyma ŭbačyć ź Ziamli praź dziejańnie hravitacyjnych sił, jašče nie byŭ ni adzin čałaviek ci kaśmičny aparat.
Kiraŭnik centra miesiacovych daśledavańniaŭ pry Dziaržaŭnym upraŭleńni abaronnaj navuki, techniki i pramysłovaści Kitaja Lu Czičžun padkreśliŭ, što misija Chang'e-4 budzie ŭnikalnaj. Pavodle jaho słoŭ, kaśmičny zond, jaki budzie źbirać hieałahičnyja dadzienyja advarotnaha boku Miesiaca, vielmi padobny da Chang'e-3. Adzinaje jaho adroźnieńnie zaklučajecca ŭ bolš vysokaj hruzapadymalnaści.
Lu Czičžun zaŭvažyŭ, što Kitaj płanuje zaviaršyć svaju miesiacovuju adysieju (vychad na arbitu Miesiaca, pasadka i viartańnie) zapuskam modula Chang'e-5, jaki na dadzieny momant znachodzicca ŭ stadyi raspracoŭki.
