Arhanizacyjny kamitet Mižnarodnaha Kanhresa daśledčykaŭ Biełarusi abjaŭlaje pra čarhovy zbor naminacyj dla Premii za najlepšuju publikacyju ŭ halinie sacyjalnych i humanitarnych dyscyplin, jakija byli nadrukavanyja ŭ 2014-2015 hadach.
Taksama ŭ 2016 hodzie adbudziecca ŭznaharodžańnie hanarovaj Premii Kanhresa za lepšuju manahrafiju na biełaruskuju tematyku na polskaj movie, nadrukavanuju za apošnija piać hod (2011-2015). Premija praciahvaje zapačatkavanuju ŭ 2015 hodzie praktyku vyznačeńnia lepšych zamiežnych aŭtaraŭ, što daśledujuć Biełaruś.
Premija maje na mecie adznačyć dasiahnieńni ŭ sacyjalnych i humanitarnych navukach na praciahu hoda, zaachvočvać navukovuju pracu, a taksama spryjać palapšeńniu jakaści navukovych daśledavańniaŭ.
Zaklikajem aŭtaraŭ i pradstaŭnikoŭ akademičnaj supolnaści naminavać značnyja vyniki navukovaj dziejnaści i, takim čynam, paspryjać ich papularyzacyi i ŭznaharodžvańniu aŭtaraŭ za navukovyja dasiahnieńni.
Prapanovy možna padać na adras [email protected] da 15 krasavika 2016 hoda. Detalovaje apisańnie praviłaŭ i patrabavańniaŭ hł. tut: premija_rules_2016.pdf.
Uračystaje nadańnie premii adbudziecca na Piatym Mižnarodnym Kanhresie daśledčykaŭ Biełarusi, jaki projdzie 7-9 kastryčnika 2016 hoda.
Naminacyi:
Premija abjaŭlajecca ŭ troch naminacyjach:
– Sacyjalnyja navuki: palityčnyja navuki, sacyjałohija.
– Humanitarnyja navuki: fiłasofija, fiłałohija, linhvistyka, mastactvaznaŭstva.
– Historyja.
Z 2014 pravodzicca asobny konkurs dla manahrafij i artykułaŭ.
Z 2014 hoda Premija pa humanitarnych navukach abjadnałasia z Premijaj imia Zory Kipiel, jakaja nadavałasia Paŭnočnaamierykanskaj asacyjacyjaj daśledčykaŭ Biełarusi.
Łaŭreaty Premii 2013, 2014 i 2015 hadoŭ
Vyłučać na premiju možna jak ułasnyja publikacyi, tak i publikacyi inšych ludziej.
Pracedura:
Rašeńnie pra nadańnie premii prymajecca na asnovie zaklučeńnia ekśpiertnych radaŭ, jakaja składajecca z pradstaŭnikoŭ akademičnaj supolnaści Biełarusi i inšych krain: cpis ekśpiertaŭ Premii Kanhresa
Dla razhladu prymajucca pracy, jakija byli nadrukavanyja ŭ 2015 h., a taksama nadrukavanyja ŭ 2014 h., kali hetyja pracy nie byli naminavanymi padčas papiaredniaha konkursu. Asnoŭnyja patrabavańni: tekst pamieram nie mienš za 20 tysiač znakaŭ (navukovy artykuł, manahrafija, inšaja akademičnaja forma prezientacyi vynikaŭ daśledavańniaŭ), napisany adnym, dvuma ci niekalkimi aŭtarami (u vypadku kalektyva aŭtaraŭ praca musić być pad navukovaj redakcyjaj adnaho čałavieka).
Hanarovaja Premija Kanhresa daśledčykaŭ Biełarusi za lepšuju publikacyju na biełaruskuju tematyku na polskaj movie
U 2016 hodzie padčas VI Mižnarodnaha Kanhresa daśledčykaŭ Biełarusi adbudziecca i ŭznaharodžańnie Hanarovaj Premii Kanhresa za lepšuju publikacyju na biełaruskuju tematyku na polskaj movie. Heta Premija praciahvaje tradycyju, zapačatkavanuju ŭ 2015 hodzie, vyłučeńnia lepšych biełarusaznaŭčych publikacyj, stvoranych pa-za miežami krainy. U minułym hodzie razhladalisia anhłamoŭnyja manahrafii, i hanarovuju Premiju atrymała Marharyta Balmaceda (Margarita Balmaceda) za knihu «Living the High Lifein Minsk. Russian Energy Rents, Domestic Populism and Belarus' Impending Crisis« (CEU Press, 2014). Takaja Premija maje metaj adznačyć jak najlepšyja pracy, tak i pryciahnuć da ich uvahu biełaruskich daśledčykaŭ. Dadzienaja Premija nosić hanarovy charaktar i nie praduhledžvaje hrašovaha ŭznaharodžańnia.
Adnym z macniejšych asiarodkaŭ daśledavańniaŭ Biełarusi źjaŭlajecca polskaja akademičnaja supolnaść, što patrabuje taksama i zapačatkavańnia asobnaj Premii, dzie buduć razhladacca navukovyja publikacyi na polskaj movie. Na konkurs u 2016 hodzie prymajucca manahrafii (knihi) na polskaj movie, apublikavanyja ŭ 2011-2015 hadach, aŭtary jakich nie majuć biełaruskaha pachodžańnia i nie źviazanyja akademičnaj karjeraj ź Biełaruśsiu. Naminacyi možna dasyłać na adras [email protected] da 15 krasavika 2016 hoda.
Ekśpiertnaja rada stvorana z vybitnych biełaruskich daśledčykaŭ, jakija karystajucca aŭtarytetam, jak u Biełarusi, tak i ŭ Polščy.
