Partyja BNF maje namier padać u sud na viarchoŭnaha atamana hramadskaha abjadnańnia «Biełaruskaje kazactva» eks-kandydata ŭ prezidenty Biełarusi Mikałaja Ułachoviča za paraŭnańnie z «Isłamskaj dziaržavaj», paviedamiŭ staršynia Partyi BNF Alaksiej Janukievič.
Vystupajučy 6 lutaha ŭ Minsku na pazačarhovym siomym vialikim kruzie kazakoŭ, Ułachovič, u pryvatnaści, zajaviŭ: «Jak nikoli našaj radzimie Biełarusi nieabchodnyja spakoj i vytrymka, a nie chaos i łžedemakratyja, jakija sparadzili ID na Blizkim Uschodzie ci niešta jamu padobnaje… Ale u nas užo jość franty — BNF, «Małady front», jakija ŭ samy raz padobnyja da ID, imknucca da kalarovaj revalucyi ŭ Biełarusi».
«My ličym takija vykazvańni absalutna niedapuščalnymi, — skazaŭ Janukievič. — Vidavočna, što heta źjaŭlajecca častkaj rasiejskaj prapahandy. My bačym, jak udzielnikaŭ ukrainskaj revalucyi rasijskija ŚMI i palityki nieadnarazova nazyvali fašystami, ekstremistami i hetak dalej. My bačym, što ciapier razhortvajecca infarmacyjnaja ataka na Biełaruś. Patryjatyčnyja biełaruskija siły, jakija dziejničajuć u adpaviednaści z zakanadaŭstvam, vyklučna ŭ nacyjanalnych intaresach Biełarusi, pačynajuć ačarniać, lapić na ich jarłyki».
«ID — heta terarystyčnaja arhanizacyja, adkaznaja za zabojstva tysiač mirnych hramadzian, — adznačyŭ lidar Partyi BNF. — I, biezumoŭna, vykarystańnie nazvaŭ našaj arhanizacyi i ID niedapuščalnaje. My praz sud budziem patrabavać ad Ułachoviča vybačeńniaŭ i dezavujavańnia hetych zajaŭ».
