Rasija nikoli nie była pahrozaj dla ZŠA i nikoli nie budzie joju, zajaviła žurnalistam aficyjny pradstaŭnik ministerstva zamiežnych spraŭ RF Maryja Zacharava.
Tak jana prakamientavała vykazvańni pretendentaŭ na vyłučeńnie kandydatam u prezidenty ZŠA, niekatoryja ź jakich u pieradvybarčych pramovach nazyvajuć Rasiju pahrozaj.
«Tut moža być pytańnie ŭ tym, što nie ŭsie viedajuć, dzie znachodzicca Rasija i ZŠA. Moža, jany ličać, što my dzieści na miažy i mocna pahražajem. Moža być, u hetym prablema, čamu jany ŭvieś čas raskručvajuć hetuju kartu», — cytuje Zacharavu ahienctva RIAN.
Pa słovach aficyjnaha pradstaŭnika MZS, uvieś čas joj chočacca daviedacca ŭ amierykancaŭ, ci mohuć jany padčas prezidenckaj kampanii abyjścisia biez zhadvańnia Rasii. «Chłopcy, davajcie jak-niebudź sami, biez nas», — dadała jana.
Zacharava nie stała ŭdakładniać, čyje mienavita kamientary maje na ŭvazie.
