Sud Homielskaha rajona vynies vyrak žycharcy adnoj ź viosak 1981 hoda naradžeńnia, jakaja abvinavačvajecca ŭ kradziažy (artykuł 205 KK).
Jak paviedamiŭ pamočnik prakurora Homielskaha rajona Jana Zajcava, žančyna skrała 2 tysiačy dalaraŭ i 25 miljonaŭ rubloŭ u pary pažyłych ludziej, jakich dahladała čatyry hady ŭ jakaści sacyjalnaha rabotnika.
U momant ździajśnieńnia złačynstva mužčyna znachodziŭsia ŭ špitali, doma była jaho žonka, prykutaja da łožka. Sacyjalny rabotnik viedała, dzie staryja zachoŭvajuć źbieražeńni, bo čas ad času brała ŭ pazyku ŭ ich hrošy. Jana ŭpotaj ŭziała bujnuju sumu, jakoj rasparadziłasia pa svaim mierkavańni — pahasiła kredyt u 10 miljonaŭ, kupiła televizar, noŭtbuk, kamplektujučyja da jaho, novuju vopratku, štory, žanočuju sumačku, apłaciła arendu kafe dla praviadzieńnia śviata. Na sudzie patłumačyła, što ŭziała hrošy, bo adčuvała ŭ ich vostruju patrebu.
Žančyna raźviedzienaja, jaje dzicia vychoŭvaje muž.
Pryhavor suda — dva z pałovaj hady pazbaŭleńnia voli — pakul nie nabyŭ zakonnuju moc i moža być abskardžany abo apratestavany.
