Skandał, hierojami jakoha stali biznesoviec Andrej Hieraščanka, jahonaja byłaja žonka Iłona Hieraščanka i novaja žonka Lusia Łuščyk, nie tolki nie ścichaje, a jašče i nabiraje abaroty.
Lucyja Łuščyk
Nahadajem, što razam sa svaim novym mužam, biznesoŭcam Andrejem Hieraščankam, Łuščyk davoli niepryhoža zmahajecca za jahonuju dačku.
Iłona Hieraščanka
Jak śćviardžaje mama hetaj dziaŭčynki, Iłona Hieraščanka, jaje abmiažoŭvajuć u mahčymaściach bačycca z dačkoj. Bolš za toje, Łuščyk sprabavała dyskredytavać Iłonu ŭ prysutnaści dziaŭčynki, pra što śviedčyła videa, jakoje vykłała ŭ sieciva Hieraščanka.
Taksama Hieraščanka stvaryła interniet-pietycyju, pad jakoj pakinuli podpisy bolš za 9 tysiač čałaviek. U pietycyi jana spadziavałasia, što sprava nabiare rozhałas i heta dapamoža viarnuć dačku. Praŭda, Viarchoŭny sud Biełarusi razhladaŭ spravu i pakinuŭ dačku z baćkam.
Ciapier da skandału dałučyłasia i papularnaja rasiejskaja błohierka-tysiačnica Alena Miro.
Błoh Miro uvachodzić u lik samych papularnych u Runecie.
U jaje błohu za čatyry dni vyjšła ažno dva dopisy, pryśviečanyja hetaj historyi. U ich błohierka plažyć Łuščyk, nazyvajučy tuju «kałhaśnicaj» i «ściarviacinaj», zaklikaje padpisać jašče adnu pietycyju, skiravanuju da Ryhora Kisiala, kiraŭnika ANT. Pietycyja patrabuje zvalnieńnia Łuščyk «za amaralnyja pavodziny». Na dadzieny momant pad joj padpisalisia bolš za 6 tysiač čałaviek.
Pryčyna takoj aktyŭnaści błohierki prostaja – jana sama kaža, što siabruje ź Iłonaj Hieraščanka. Pry hetym błoh Miro uvachodzić u lik samych papularnych u Runecie.
