U rajonie Malenbiek u Bruseli, jaki ličycca aporaj džychadzistaŭ u Bielhii, prachodzić śpiecapieracyja, u rajonie čutnaja stralanina.
AFP
U palicyi Brusela Bi-bi-si paćvierdzili, što ŭ chodzie apieracyi zatrymany adzin z hałoŭnych padazravanych pa spravie ab napadach u Paryžy Sałach Abdesłam. Pa hetych ža paviedamleńniach, jon atrymaŭ ranieńnie ŭ nahu.
Raniej u piatnicu bielhijskaja prakuratura paviedamiła pra toje, što adbitki palcaŭ i DNK Sałach Abdesłama byli znojdzieny padčas pieratrusu jaho kvatery ŭ Bruseli.
Bielhijskija ŭłady raniej pryznali, što cichi pracoŭny pryharad Brusela Malenbiek staŭ «palityčnaj stalicaj isłamu ŭ kantynientalnaj Jeŭropie».
Čaćviora arhanizataraŭ listapadaŭskich teraktaŭ u Paryžy žyli mienavita ŭ Malenbieku.
Na dumku mnohich naziralnikaŭ, aryšt Sałach Abdesłama moža stać bujnoj padziejaj u mižnarodnaj baraćbie z teraryzmam. Jon - apošni z pakinutych u žyvych udzielnikaŭ terarystyčnaha napadu ŭ Paryžy ŭ listapadzie 2015 hoda. Pa niekatorych źviestkach, jon byŭ u liku arhanizataraŭ hetaha napadu.
