5 krasavika ŭ 19.00 kampanija «Budźma biełarusami!» i Sajuz biełaruskich piśmieńnikaŭ zaprašajuć u prastoru«Knižnaja šafa» na aŭtohraf-siesiju Michaiła Vałodzina, aŭtara knihi «Naš stary dobry Vaviłon. Prahułka pa horadzie ŭ Minskich historyjkach».
«Naš stary dobry Vaviłon. Prahułka pa horadzie ŭ Minskich historyjkach» — heta ŭnikalnaja kniha. Michaiłu Vałodzinu ŭdałosia abjadnać pad adnoj vokładkaj zbornik haradskich apaviadańniaŭ, mifałahičny i niezvyčajny padarožny daviedniki pa horadzie. Dziakujučy tamu, što «Minskija historyjki» (tak aŭtar nazyvaje svaje karotkija apaviadańni) mieściacca ŭzdoŭž adnaho z samych papularnych haradskich maršrutaŭ i supravadžajucca mapaj, čytačy zmohuć ździejśnić samastojnyja prahułki. I nie na samocie, a ŭ kampanii Dastajeŭskaha i Tałstoha, Kupały i Kołasa,Maljera i Valtera, Kaciaryny I i Piatra Vialikaha, Puškina, Aleksandroŭskaj, Fidela Kastra dy inšych viadomych haściej i žycharoŭ horada.
Michaił Vałodzin – čałaviek cikavaha losu. Pakul žyŭ u Minsku, vypuskaŭ hazietu na anhlijskaj movie, kali pierajechaŭ u ZŠA, pačaŭ vydavać litaraturny časopis – naturalna, na ruskaj. Sa svaimi pieśniami abjeździŭ uvieś Saviecki Sajuz, ale scenu, pa jaho ŭłasnych słovach, baicca i nie lubić. Pisaŭ scenary da dakumientalnych filmaŭ i rekłamnych rolikaŭ, pracavaŭ na telebačańni i ŭ pieryjodycy, ale nikoli nie zajmaŭsia žurnalistykaj jak spravaj svajho žyćcia. Pabyvaŭ u paŭsotni krain śvietu, u niekatorych žyŭ i padoŭhu, ale zaŭsiody viartaŭsia ŭ Minsk. Pra jaki jon napisaŭ knihu «Naš stary dobry Vaviłon. Prahułka pa horadzie ŭ Minskich historyjkach», jakaja stała bestseleram.
Biełaruska-niamieckaje vydańnie «Minskich historyjek» było padrychtavana kampanijaj «Budźma biełarusami!» i Sajuzam biełaruskich piśmieńnikaŭ i pabačyła śviet u sieryi «Kniharnia piśmieńnika».
Čakajem vas pa adrasie: st. m. Hrušaŭka, pr. Dziaržynskaha, 9 (uvachod sa dvara).
