Ruch transpartu pa vuł. Kłary Cetkin zakryvajecca ŭ noč z 14 na 15 červienia ŭ Minsku, paviedamiła staršy inśpiektar pa ahitacyi i prapahandzie ADAI Maskoŭskaha RUUS stalicy Luboŭ Trapaška.
Ruch pierakryjuć z-za budaŭnictva linii mietrapalitena da zakančeńnia rabot na ŭčastku darohi ad płoščy Bahuševiča da vuł. Libkniechta, a taksama ad vuł. Karala da Kalvaryjskaj.
Padčas pierakryćcia vuł. Kłary Cetkin ruch transpartu z častki daroh vuł. Libkniechta, zav. Paŭnočnaha i vuł. Zachodniaj budzie ažyćciaŭlacca praz vuł. Karala i vuł. Drazda. Taksama ŭ hety pieryjad dvuchbakovy ruch atrymaje ŭčastak darohi ad vuł. Karala da vuł. Drazda. Znaki ab novaŭviadzieńni ustalujuć na vuł. Karala i vuł. Drazda, kab pavialičyć prapusknuju zdolnaść darohi.
U RUUS adznačyli, što na płoščy Bahuševiča źmienicca režym pracy śviatłaforaŭ u suviazi z zakryćciom učastkaŭ vuł. Kłary Cetkin.
Prypynak hramadskaha transpartu «Muzyčny teatr» na prasp. Dziaržynskaha ŭ napramku 2-ha zav. R. Luksiemburh pieraniasuć za płošču Bahuševiča, u rajonie skryžavańnia vuł. Niamiha z vuł. Karła Libkniechta. Taksama budzie spynienaja praca piešachodnaha pierachodu.
Na vuł. Niamiha ŭ rajonie skryžavańnia z vuł. Ramanaŭskaja Słabada časova spyniać pracu piešachodnaha pierachodu ad doma №28 u napramku vuł. Haradski Vał. U hetym miescy budzie ŭstanoŭlenaja darožnaja aharodža. Dla pavieličeńnia prapusknoj zdolnaści skryžavańnia zialonaja strełka, jakaja dazvalaje ruch naprava ŭ bok płoščy Bahuševiča, budzie hareć daŭžej čym zvyčajna.