Halivudski akcior Leanarda Dzi Kaprya zamknuŭ dziasiatku samych upłyvovych ludziej u industryi zabaŭ pa viersii časopisa The Hollywood Reporter. Žurnalisty nazvali jaho adnym z apošnich akcioraŭ staroj zahartoŭki, jaki jašče moža stvarać niezaležnaje i niesieryjnaje kino, piša Lenta.ru.
marieclaire.com
«Vyžyły» — amal film adnaho akciora (nie ličačy karotkaha źjaŭleńnia Toma Chardzi i sumna viadomaj miadźviedzicy), i ŭsio ž jon sabraŭ pa ŭsim śviecie 532 miljony dalaraŭ — pa bolšaj častcy dziakujučy 41-hadovamu Dzi Kaprya», — adznačyli ekśpierty vydańnia. Jany dadali, što akcior mnohaje robić jak miecenat, nadajučy asablivuju ŭvahu ekałahičnym prablemam.
Dzi Kaprya — adziny akcior u dziasiatcy The Hollywood Reporter. Pieršaje miesca zaniaŭ 65-hadovy Bob Ajhier — kiraŭnik rady dyrektaraŭ kampanii Walt Disney Pictures.
Na druhim miescy akazalisia try pradprymalniki: miedyjamahnat i sustaršynia studyi 21st Century Fox Rupiert Miordak i dvoje jaho synoŭ Łachłan i Džejms. Na treci radok trapiŭ kiraŭnik miedyjachołdynha CBS Corp. Łeśli Munves.
U pieršuju dziasiatku taksama ŭvajšli hałoŭny vykanaŭčy dyrektar NBC Universal Styŭ Biork (4-je miesca), jaho kaleha z Netflix Ted Sarandas (5-je miesca), kiraŭniki CBS Corp. Šary i Samner Redstoŭny (6-je miesca), vykanaŭčyja dyrektary Time Warner i Fox Networks Group Džef Bjukies (7-je miesca) i Piter Rajs (8-je miesca), a taksama kiraŭnik studyi Disney Ałan Chorn (9-je miesca).
Poŭny rejtynh The Hollywood Reporter uklučaje sotniu čałaviek. Siarod ich režysiory Styvien Śpiłbierh, Džejms Kemieran i Marcin Skarseze, televiadučaja Opra Uinfry, aktrysa Dženifier Łoŭrens i akciory Bred Pit i Robiert Daŭni-małodšy.
