Pavodle prahnozaŭ sinoptykaŭ, u vychadnyja dni čakajecca śpioka da 34 hradusaŭ. Va ŭpraŭleńni DAI MUS adznačyli, što ŭ takich umovach nadvorja kiroŭcy chutčej stamlajucca, ich uvaha raśsiejvajecca, a reakcyja značna paharšajecca. U mnohich ludziej źjaŭlajecca hałavakružeńnie, mlavaść, sanlivaść. Dziaržaŭtainśpiekcyja rekamienduje kiroŭcam pa mahčymaści admovicca ad stomnych dalokich pajezdak, asabliva kali ŭ aŭtamabili niama kandycyjaniera.
Pry nieabchodnaści sieści za rul važna kantralavać svajo samaadčuvańnie, nie znachodzicca doŭhi čas za rulom. Adpraŭlajučysia ŭ darohu, treba brać z saboj pitnuju vadu, pravieryć u aptečcy najaŭnaść nieabchodnych lakarstvaŭ, a taksama — spraŭnaha vohnietušyciela ŭ aŭtamabili.
Rekamiendacyi nie vychodzić u čas dzionnaj śpioki na vulicu adrasavanyja i piešachodam, jakija majuć prablemy sa zdaroŭjem.
U piatnicu i vychadnyja dni DAI arhanizuje ŭzmocnieny varyjant niasieńnia słužby. Supracoŭniki aryjentavany na akazańnie dapamohi ŭdzielnikam darožnaha ruchu va ŭmovach haračaha nadvorja, zabieśpiačeńnie biaśpiečnych umoŭ ruchu, spynieńnie najbolš niebiaśpiečnych parušeńniaŭ PDR jak z boku kiroŭcaŭ, tak i piešachodaŭ.
Asablivaja ŭvaha budzie nadadzienaja vyjaŭleńniu matacyklistaŭ i aŭtaamataraŭ, jakija sieli za rul u stanie apjanieńnia, jakija nie majuć prava kiravańnia, spynieńniu parušeńniaŭ ustanoŭlenych skorasnych režymaŭ, pravił manieŭravańnia i abhonu, kantrolu vykarystańnia vadzicielami i pasažyrami srodkaŭ pasiŭnaj biaśpieki — ramianioŭ, motašlemaŭ, dziciačych utrymlivajučych ustrojstvaŭ.
U pryvatnaści, z 15.00 24 červienia da 23.00 26 červienia arhanizujecca masiravanaja adpracoŭka aŭtamabilnaj darohi M3 Minsk — Viciebsk, u čas jakoj budzie vykarystany hałosny, niehałosny i źmiešany kantrol vykanańnia ŭdzielnikami darožnaha ruchu patrabavańniaŭ PDR.
Akramia taho, supracoŭniki DAI buduć zabiaśpiečvać hramadski paradak i biaśpieku darožnaha ruchu ŭ miescach masavaha adpačynku hramadzian. Inśpiektary DPS prakantralujuć fizičny stan kiroŭcaŭ, vykanańnie pravił prypynku i stajanki.
Rejdavyja hrupy śpiecyjalnaha padraździaleńnia DPS «Strała» MUS nakiravanyja ŭ rajony z najbolš napružanaj abstanoŭkaj u śfiery biaśpieki darožnaha ruchu.
