AFP
11:45
Pavodle apošnich źviestak, zahinuli 104 čałavieki.
U Turcyi pry sprobie vajskovaha pieravarotu zahinuli 104 čałavieki, zajaviŭ v.a. kiraŭnika Hienštaba, hienierał Umit Dundar. Pavodle jaho słoŭ, havorka idzie pra zabitych miaciežnikaŭ.
9:54
Paviedamlajecca, što kolkaść aryštavanych vajskoŭcaŭ vyrasła da 1563 čałaviek.
A MZS Biełarusi rekamienduje svaim hramadzianam ustrymacca ad pajezdak u Turcyju.
8:55
Zachopleny arhanizatarami pieravarotu kiraŭnik hienštaba Turcyi vyzvaleny dy znachodzicca ŭ biaśpiečnym miescy.
8:35
Tureckaja palicyja paviedamiła, što padčas sutyknieńniaŭ la parłamienta ŭ Ankary byli zabityja 16 arhanizataraŭ pieravarotu.
8:20
Prezident Turcyi Taip Erdahan zajaviŭ, što viertalot, jaki atakavaŭ roznyja ŭradavyja budynki ŭ Ankary, źbity.
8:08
Turecki čynoŭnik paviedamiŭ pra adchileńnie ad pasady 5 hienierałaŭ i 29 pałkoŭnikaŭ. U putčystaŭ u rasparadžeńni jość jašče niekalki vajennych viertalotaŭ, ale ŭradavyja siły hatovyja ich źbić u samyja karotkija terminy.
8:06
Udzielniki sproby vajennaha pieravarotu zajavili, što rašuča praciahvajuć baraćbu. Taksama paviedamlajecca, što arhanizatary majuć namier supraćstajać usim, chto padtrymlivaje dziejučyja ŭłady.
7:55
Prapaviednik Hiulen, prychilnikaŭ jakoha Erdahan abvinavaciŭ u sprobie pieravarotu, asabista asudziŭ miaciež.
7:59
U suviazi sa sprobaj pieravarotu byli aryštavanyja bolš za 750 vajskoŭcaŭ. Pra heta paviedamiła tureckaje dziaržaŭnaje ahienctva Anadolu. U liku zatrymanych — bryhadny hienierał.
7:35
U Ankary źbity druhi vajskovy viertalot miaciežnikaŭ. Viertalot nanosiŭ udary pa ofisie kampanii, jakaja kiruje spadarožnikavaj sistemaj Turksat.
6:57
Pa dadzienych Reuters, na moście ŭ Stambule zdalisia kala 50 čałaviek.
6:53
AFP sa spasyłkaj na krynicu paviedamlaje, što z samalotaŭ viadziecca ataka pa tankach, jakija stajać pobač z prezidenckim pałacam.
Erdahan nienadoŭha vyjšaŭ da natoŭpa, jaki skandavaŭ imia prezidenta.
Reuters.com
Kiraŭnik tureckaj palicyi Miechmiet Lekiesiz: u Stambule ŭsio spakojna, u Ankary praciahvajucca sutyknieńni.
6:14
U aeraporcie Ataciurka ŭ Stambule paśla načnoha pierapynku pryziamliŭsia pieršy samalot — Turkish Airlines z Łondana.
5:47
U chodzie putču zahinuli 42 mirnyja žychary i 17 palicejskich.
Akramia taho, 13 sałdat, jakija sprabavali zaniać prezidencki pałac, byli aryštavanyja. Ci ŭklučajucca hetyja 13 u tyja 130 aryštavanych, pra jakija havaryłasia raniej, nieviadoma.
5:42
I jašče paviedamleńnie ad Anadolu: vajskovyja samaloty padnialisia ŭ nieba, kab źbić latalnyja aparaty.
5:30
ŚMI vyśvietlili, što natchnialnikam i «mozham» pieravarotu ŭ Turcyi staŭ były jurydyčny daradca hienieralnaha štaba Turcyi pałkoŭnik Mucharem Kase.
4:57
«Jany nanieśli bombavy ŭdar pa hateli, paśla taho, jak ja adtul źjechaŭ. Sproba pieravarotu, jakuju raspačała nievialikaja hrupa zdradnikaŭ vajennych, budzie całkam padaŭlena, chaj u hetym nichto nie sumniavajecca.
Ja zastajusia sa svaim narodam i nikudy nie pajdu», - skazaŭ Erdahan na pres-kanfierencyi ŭ Stambule.
3:05
Kamandujučy śpiecnazam Turcyi hienierał Zekaj Aksakali pa telefonie zajaviŭ tureckamu telekanału NTV, što ŭ tych, chto sprabuje ździejśnić pieravarot, ničoha nie atrymajecca.
Hienierał taksama paviedamiŭ, što padčas supraćstajańniaŭ ź miaciežnikami jość zabityja i paranienyja, ale nie staŭ pryvodzić ich kolkaść.
«Našy ludzi viedajuć, jak zmahacca z hetym… My kantralujem situacyju».
Hienierał Zekaj Aksakali.
3:01
Hienieralny sakratar AAN Pan Hi Mun zaklikaje Turcyju da spakoju:
«Hienieralny sakratar ŭvažliva sočyć za raźvićciom padziej u Turcyi. Jon u kursie paviedamleńniaŭ pra sprobu pieravarotu ŭ krainie».
Pradstaŭnik pres-słužby AAN Farchan Chak.
2:55
Prahučaŭ vybuch u budynku parłamienta Turcyi ŭ Ankary. Pa śćviardžeńni dziaržaŭnaha ahienctva «Anadołu» na parłamient była skinutaja bomba. Pavodle infarmacyi Fox News budynak taksama byŭ abstralany ź viertalotaŭ.
Niezaležnaha paćvierdžańnia hetaj infarmacyi niama, pieradaje Bi-bi-si.
2:25
Pieršyja źviestki ab achviarach putču ŭ Turcyi.
17 palicejskich zabityja ŭ štab-kvatery śpiecnaza ŭ Ankary, pieradaje dziaržaŭnaje ahienctva «Anadołu».
Bi-bi-si ŭdakładniaje, što nie vałodaje paćvierdžańniem hetaj infarmacyi ź inšych krynic.
2:16
Abama zaklikaŭ tureckija partyi padtrymlivać lehitymnyja ŭłady.
Fota REUTERS/ Murad Sezer.
2:14
Źniščalnik tureckich VVS F-16 źbiŭ vajenny viertalot Sikorsky udzielnikaŭ dziaržaŭnaha pieravarotu, paviedamlaje turecki telekanał NTV.
2:12
Ludzi sa ściahami Turcyi masava vychodziać na vulicy.
01:39
U Stambule — stralanina.
Były premjer Davutahłu, jaki syšoŭ u adstaŭku z-za kanflikta z Erdahanam, zaklikaŭ padtrymać zakonna abrany ŭrad i vyjści na vulicy sa ściahami.
U Stambule źbirajucca ludzi, jakija «niazhodnyja z raniejšaj palitykaj Erdahana, ale jakija suprać pieravarotaŭ», — paviedamlaje karespandent Jeŭrańjus.
01:13
Viertaloty atakujuć štab-kvateru palicyi ŭ Ankary.
01:15
Vice-premjer Turcyi Kurtułmus zajaviŭ, što ŭrad Turcyi ŭsio jašče kantraluje situacyju.
01:12
Reuters: tanki atačyli parłamient, tanki adkryli ahoń.
01:11
Reuters: stralba ŭ aeraporcie Stambuła
01:10
Apazicyjny lidar Turcyi zajaviŭ, što nie choča dziaržpieravarotu
01:10
Paviedamlajecca, što viadziecca abstreł Ankary ź viertalotaŭ, a Erdahan sprabuje pakinuć krainu. Ale aeraporty zakrytyja.
01:05
Uładu ŭ Turcyi, mahčyma, zachapili «hiulenisty». Heta prychilniki ruchu «Chiźmiet», duchoŭnym lidaram jakoha źjaŭlajecca Fietułach Hiulen, były imam i prapaviednik, i isłamski hramadski dziejač.
Erdahan nieadnarazova kazaŭ, što Hiulen imkniecca zrynuć dziejsny ŭrad. Prychilniki Hiulena, na dumku Erdahana, stajali za masavymi akcyjami pratestu, jakija prajšli ŭ krainie ŭ 2013 hodzie.
Hiulen u 2013 hodzie byŭ uklučany ŭ lik 100 samych upłyvovych ludziej śvietu pa viersii Time, a taksama ŭ śpis 500 samych upłyvovych ludziej śvietu časopisa Foreign Policy.
Raniej Erdahan zajaviŭ, što kraina nie moža kiravacca ź Piensilvanii, vidać, namiakajučy, što ŭ Hiulena — «hryn-kard»
00:52
Situacyja ŭ Turcyi zastajecca niajasnaj. U Stambule i Ankary pieryjadyčna čuvać stralanina. Pa Ankary niekalki ŭdaraŭ naniesła avijacyja.
Vajskoŭcy ŭziali pad kantrol niekalki telekanałaŭ. Dziaržaŭnaje infarmahienctva praciahvaje tranślavać infarmacyju ad imia Erdahana. Dostup da sacyjalnych sietak pieraryvaŭsia.
Erdahan zastajecca na svabodzie i źviarnuŭsia da narodu praz skajp.
Prychilniki Erdahana pa jahonym zakliku vyjšli na vulicy i sprabujuć zabłakavać ruch vajskovaj techniki.
00:52
Meduza paviedamlaje, što, pavodle niepravieranych źviestak, Erdahan płanuje atrymać prytułak u Hiermanii.
Vajskoŭcy abiacajuć novuju Kanstytucyju.
00:50
Prezident Taip Erdahan paabiacaŭ pakarać arhanizataraŭ pieravarotu pa ŭsioj strohaści zakona. Pra heta jon zajaviŭ u telezvarocie ŭ efiry CNN Turk.
«Va ŭrada šmat vorahaŭ. Usie, chto hetym zajmajucca, horka paškadujuć», — skazaŭ jon.
00:49
U budynku hałoŭnaha tureckaha telekanała TNT — vybuch, paviedamlaje Jeŭrańjus.
00:48
Jeŭrańjus raspaviadaje, što Turcyja viartajecca da demakratyčnych kaštoŭnaściej, jakija ŭstalavaŭ Ataciurk, a vajskoŭcy zaŭsiody byli ich harantam.
00:44
Prychilniki Erdahana vychodziać na vulicy ŭ Stambule.
00:41
Tureckaja žurnalistka zmahła praz skajp na mabilnym telefonie źviazacca z prezidentam Erdahanam. Jon nie raskryvaje svajho miescaznachodžańnia.
Erdahan kaža, što vajskovy pieravarot u Turcyi niezakonny i jon zakonny prezident, zaklikaje da spakoju. «Voś vy ž vykonvajecie svaje abaviazki», — pytaje jon žurnalistku.
Redžep Taip Erdahan zaklikaŭ hramadzian krainy vyjści na vulicy.
Jon zajaviŭ, što ŭ krainie ździejśnienaja sproba buntu, pradpryniataja mienšaściu vajskoŭcaŭ. Pa słovach Erdahana, hetaja sproba nie budzie paśpiachovaj.
Erdahan zajaviŭ, što zastajecca hałoŭnakamandujučym uzbrojenymi siłami Turcyi. Jon paabiacaŭ pakarać udzielnikaŭ miaciažu.
00:14
Erdahan jedzie ŭ aeraport, paviedamlajuć infarmacyjnyja ahienctvy.
00:11
Rezidencyju Erdahana ŭ Stambule ŭziali pad uzmocnienuju achovu.
00:10
Amierykanskaje pasolstva ŭ Turcyi zaklikała suajčyńnikaŭ nie vychodzić na vulicu, paviedamiŭ supracoŭnik dypmisii.
AFP
00:08
Čakajecca vystup prezidenta Erdahana.
Vajskoŭcy źviarnulisia praz elektronnuju poštu źviarnulisia da ŚMI i mižnarodnych arhanizacyj z zajavaj pra źviaržeńnie prezidenta Erdahana dla viartańnia da demakratyčnych kaštoŭnaściej i abarony praŭ čałavieka. Vajskoŭcy zajavili, što buduć trymacca mižnarodnych damovaŭ i pavažać pravy čałavieka.
Rabota sacyjalnych sietak častkova adnoŭlena.
Reuters.com
00:23
Na ŭsioj terytoryi Turcyi abvieščanaja kamiendanckaja hadzina.
00:05
Hramadzianie kinulisia da bankamataŭ, kab źniać hatoŭku, i da bienzakałonak, paviedamlaje Jeŭrańjus.
U toj ža čas u Hrecyi armija pryviedziena ŭ poŭnuju bajavuju hatoŭnaść.
00:02
U Ankary vajskoŭcy zaklikajuć hramadzian zastavacca doma.
00:01
Vajskoŭcy zachapili štab-kvateru kirujučaj Partyi spraviadlivaści i raźvićcia.
23:56
Hrupa vajskoŭcaŭ uziała ŭ zakładniki načalnika hienštaba Turcyi Chułusi Akara, paviedamlaje ahienctva Anadolu ŭ piatnicu.
23:54
Premjer Hrecyi painfarmavany ab sprobie pieravarotu ŭ Turcyi
«Kiraŭnictva Nacyjanalnaj słužby vyviedki (NIS) prainfarmavała Cyprasa pra sprobu pieravarotu. Pra heta prainfarmavali taksama lidara apazicyi Kiryjakasa Micatakisa», — paviedamiła krynica va ŭradavych kołach, adznačaje ria.ru.
23:46
Jeŭrańjus sa spasyłkaj na pradstaŭnikoŭ armii paviedamlaje, što pieravarot adbyŭsia, prezident Erdahan niejtralizavany.
U svaju čarhu ria.ru sa spasyłkaj na tureckija ŚMI piša, što Erdahan znachodzicca ŭ biaśpiečnym miescy.
23:40
Źjaviłasia videa stralaniny.
23:39
Tureckija vajskoŭcy zajavili, što zachapili budynak urada. Kiraŭnictva krainy zatrymanaje.
23:31
Mižnarodny aeraport imia Ataciurka ŭ Stambule zakryty, usie vylety admienienyja, a tureckaja lira ŭpała na 3,5%.
23:26
Tureckaja dziaržaŭnaja teleradyjokampanija pierapyniła viaščańnie.
23:25
Uvieś piersanał sił biaśpieki i palicyi ŭ Ankary terminova vyklikany na słužbu.
U horadzie zabłakavanyja Facebook i Twitter.
«Hrupa vajskoŭcaŭ, vykarystoŭvajučy dadzienyja im paŭnamoctvy i zbroju, pasprabavali ździejśnić supraćpraŭnyja dziejańni… Heta nie zusim dakładna nazyvać pieravarotam, ale ŭ lubym vypadku, chaj našy hramadzianie buduć spakojnyja, my zrobim usio dla padtrymańnia spakoju i paradku. Vinavatyja asoby paniasuć samaje surovaje pakarańnie», — zajaviŭ turecki premjer Binali Iłdyrym pa telefonie ŭ efiry telekanała NTV.
