Punkt propusku «Makrany» na biełaruska-ŭkrainskaj miažy časova zakryty z-za ŭciečki atrutnaha rečyva, paviedamiŭ Dziaržpahrankamitet u sacyjalnych sietkach.
«15 lipienia ŭ rajonie 22.30 na aŭtadarozie pamiž punktami «Damanava» (Ukraina) i «Makrany» (Biełaruś) z aŭtaciahnika z cysternaj, jaki ruchaŭsia z Ukrainy i pieravoziŭ trychłoretylen, adbyłasia ŭciečka. Punkt propusku «Makrany» zakryty, na miescy pracujuć padraździaleńni Ministerstva pa nadzvyčajnych situacyjach, jakija łakalizujuć uciečku i likvidujuć jaje nastupstvy. Paciarpiełych u vyniku NZ niama, hramadzianie, jakija pierasiakali ŭ hety momant miažu, vyviedzieny z punkta propusku», — adznačajecca ŭ relizie.
DPK prosić hramadzian, jakija płanujuć pajezdku va Ukrainu, časova vyklučyć z maršrutu punkt propusku «Makrany» i skarystacca susiednimi: «Ołtuš», «Tamašoŭka» i «Machro». Ab adnaŭleńni pracy punkta propusku «Makrany» budzie paviedamlena.
