Apieratar mabilnaj suviazi «Viełkom» dasłaŭ u Redakcyju «Našaj Nivy» adkaz nakont prykraj situacyi sa svajoj internet-kramaj. Nahadajem, klijentka nie zmahła zrabić zamovu ŭ internet-kramie velcom, bo na sajcie dazvolena pisać tolki pa-rusku.
«Jakaść siervisu źjaŭlajecca adnym z pryjarytetaŭ u dziejnaści kampanii velcom, tamu dadzieny vypadak budzie vykarystany dla aptymizacyi pracesaŭ uzajemadziejańnia z klijentam. U dadzienym vypadku adbyłasia pamyłka ŭ asabistaj kamunikacyi supracoŭnika kampanii z klijentam. Jana ŭžo vypraŭlena, klijentu byli pryniesieny prabačeńni, a zamova ŭ internet-kramie była pryniata 18 lipienia i była vykanana 19 lipienia.
Pryjom zamoŭ u internet-kramie ŭ dadzieny momant mahčymy tolki na ruskaj movie, bo jon technična źviazany sa źniešnimi kampjutarnymi bazami vieryfikacii. My šukajem techničnaje rašeńnie, kab zabiaśpiečyć pryjom zakazaŭ u internet-kramie taksama i na biełaruskaj movie».
