 |
Ministerstva zamiežnych spravaŭ u sieradu aficyjna admoviła ŭ akredytacyi žurnalistu Radyjo «Racyja» Alaksieju Minčonku. Karespandenta vyklikali a 10:00 u MZS, dzie supracoŭnik viedamstva Michaił Snapko začytaŭ Minčonku rašeńnie.
Admova hruntujecca na tym fakcie, što Alaksiej «raniej zajmaŭsia žurnalisckaj dziejnaściu na karyść zamiežnaha ŚMI biez akredytacyi pry MZS».
«Ja zapytaŭsia ŭ supracoŭnika MZS, jaki začytaŭ mnie rašeńnie, dzie ja mahu paznajomicca z pryčynami praź jakija karespandentu mohuć admović u akredytacyi. Jon skazaŭ, što na aficyjnym sajcie MZS. Ja tolki što pahladzieŭ Pałažeńnie ab akredytacyi karespandentaŭ zamiežnych ŚMI ŭ Biełarusi, i tam niama ni słova pra pryčyny, praź jakija mohuć admović. Jašče parajusia ź jurystami i kiraŭnictvam radyjostancyi i, vierahodna, budu padavać u sud», – kaža A.Minčonak.
Žurnalist pryniaŭ rašeńnie padavać dakumenty na akredytacyi paśla pieratrusaŭ u ofisaŭ niezaležnych radyjostancyj 27 sakavika. Jaho inicyjatyvu padtrymała kiraŭnictva «Racyi», i 28 krasavika žurnalist nakiravaŭ u MZS usie nieabchodnyja papiery. Jak bačym, hetaha akazałasia zamała, kab mieć mahčymaść aficyjna pracavać na terytoryi Biełarusi.
