Na łavie padsudnych pa abvinavačvańni ŭ naniasieńni ciažkich cialesnych paškodžańniaŭ, parušeńni hramadskaha paradku i supraciŭ palicyi apynulisia dva povary, mieniedžar, finansavy analityk i vykładčyk matematyki.
Adzin z abvinavačanych atrymaŭ 12 miesiacaŭ umoŭna, troje — pa 10 miesiacaŭ, paviedamlaje DW. U zale suda jany zakryvali tvary. Ad apošniaha słova abvinavačanyja admovilisia.
Rasijskija futbolnyja chulihany ŭ sudzie
Piaty rasijanin, Cimur P., u sudzie zajaviŭ, što paśpieŭ tolki ŭbačyć bojku, ale naohuł u joj nie ŭdzielničaŭ i budzie asobna dakazvać heta ŭ sudzie 17 žniŭnia. Sud adznačyŭ, što rasijskija futbolnyja chulihany ŭpiacioch dziejničali suprać dvaich. «Spadziajusia, jany ŭ samy bližejšy čas viernucca ŭ Rasiju», — zajaviŭ sudździa.
U čatyroch ź piaci padsudnych u momant zatrymańnia ŭ kryvi było vyjaŭlena ad 0,42 da 0,92 pramile ałkaholu, u piataha — nul, jaho testavali paźniej za ŭsich. Prakuror zajaviŭ, što sprava palityčna matyvavanaja, u pryvatnaści, havorka idzie nie pra futbolnuju prablematyku, a pra pravy radykalizm. Pavodle śledstva, fanaty nakinulisia na ispancaŭ jakija razdavali antyfašysckija stykiery, paśla taho jak adzin ź ich skazaŭ «Antyfa». Adzin z fanataŭ biŭ nahoj u tvar pavalenaha na ziamlu ispanskaha aktyvista — jamu złamali nos.
Vypadak adbyŭsia ŭ siaredzinie červienia niepadalok ad hałoŭnaha čyhunačnaha vakzała Kiolna. U rasijan byli pry sabie kvitki na matčy čempijanatu Jeŭropy pa futbole ŭ Francyi. Udałosia taksama ŭstalavać, što rasijanie viartalisia z Marselu ŭ Maskvu.
