U Minsku na sustrečy z žurnalistami z nahody prezientacyi knihi «Bol, luboŭ i nadzieja: moj Kyrhyzstan».
Viarchoŭny sud Kyrhyzstana pryhavaryŭ byłoha prezidenta krainy Kurmanbieka Bakijeva da 30 hadoŭ pazbaŭleńnia voli, paviedamlaje infarmahienctva 24.kg.
Eks-prezidentu, jaki źbieh z krainy, u 2010 hodzie było dadziena biełaruskaje hramadzianstva. 1 žniŭnia jamu spoŭnicca 67 hadoŭ. Raniej, nahadajem, Kurmanbiek Bakijeŭ byŭ pryhavorany da pažyćciovaha źniavoleńnia.
Kiraŭnik słužby dziaržachovy Žanybiek Bakijeŭ i eks-premjer-ministr Danijar Usienaŭ asudžanyja pažyćciova. Namieśnik kiraŭnika śpiecsłužbaŭ Marat Bakijeŭ asudžany na 27 hadoŭ turmy. Vyniesieny taksama prysudy inšym udzielnikam padziej 7 krasavika 2010 hoda.
Źvierhnuty z pasady prezidenta Kyrhyzstana ŭ krasaviku 2010 hoda Kurmanbiek Bakijeŭ pryjechaŭ u Biełaruś ź nieaficyjnaj žonkaj i dvuma dziećmi pa asabistym zaprašeńni Alaksandra Łukašenki. Jak miarkujecca, u žniŭni taho ž hoda jon atrymaŭ biełaruskaje hramadzianstva.
Kurmanbiek Bakijeŭ i jaho brat Žanybiek, jaki ŭznačalvaŭ Słužbu dziaržaŭnaj achovy, u siabie na radzimie pryznanyja vinavatymi ŭ saŭdziele ŭ arhanizacyi zabojstva, zamachu na zabojstva, pieravyšeńni słužbovych paŭnamoctvaŭ. Kirhizski bok nieadnarazova patrabavaŭ ad Biełarusi zatrymańnia i ekstradycyi Kurmanbieka Bakijeva, ale biespaśpiachova.
22 kastryčnika 2015 hoda eks-prezident pradstaviŭ u Minsku knihu ŭspaminaŭ «Bol, luboŭ i nadzieja: moj Kyrhyzstan».
U pačatku 2016 hoda pasoł Kyrhyzstana ŭ Minsku Kubanyčbiek Amuralijeŭ zajaviŭ, što prablema Bakijeva zastajecca na paradku dnia biełaruska-kirhizskich adnosin. Jon nie staŭ udakładniać, što robicca dla vyrašeńnia hetaj prablemy.
