Zasłužany kalektyŭ Dziaržaŭny ansambl tancu Biełarusi pad kiraŭnictvam narodnaha artysta Biełarusi prafesara Valancina Dudkieviča ŭpieršyniu pryniaŭ udzieł u kancercie, pryśviečanym aŭtahonkam «Formuła‑1». Ab hetym karespandentu BIEŁTA paviedamiła pres‑sakratar Dziaržaŭnaha ansambla tanca Maryna Haron.
Vystupleńnie tvorčaha kalektyvu prajšło 25 traŭnia, u dzień pačatku honak. Na scenie samaj vialikaj zali ŭ Monte‑Karła razam ź biełaruskimi tancorami kancertnyja numary pradstaviła taksama charavaja hrupa Narodnaha choru Respubliki Biełaruś imia H.I.Citoviča. Na kancercie prysutničaŭ prync Albiert ź siamjoj, viadomyja asoby Francyi, a taksama ŭsie piloty honak «Formuły‑1» hetaha hoda.
Pavodle słoŭ Maryny Haron, za miažoj biełaruskaje tancavalnaje mastactva prymajuć dobra — nacyjanalny taniec tam usprymajecca jak ekzotyka. Padzialiŭsia svaimi nazirańniami za zamiežnymi hledačami i Valancin Dudkievič, adznačyŭšy, što inšaziemcam padabajecca hladzieć numary ansambla tancu, choć jany i nie adrazu mohuć adroźnić, dzie ruski taniec, a dzie biełaruski abo ŭkrainski.
«Svajho falkłoru ŭ ich abo nikoli nie było, abo jon daŭno zabyty», — skazaŭ mastacki kiraŭnik ansambla, dadaŭšy pry hetym, što ŭ Monte‑Karła hledačy nie mahli ŭtrymacca na svaich miescach i prytancoŭvali razam z artystami.
Znamianalna, što Dziaržaŭny ansambl tancu staŭ pieršym falklornym kalektyvam, jaki vystupiŭ na scenie Monte‑Karła za apošniaje dziesiacihodździe, pieraniaŭšy estafetu ŭ Dziaržaŭnaha akademičnaha ansambla narodnaha tancu pad kiraŭnictvam Ihara Majsiejeva. Akramia taho, ansambl, pieršy z tvorčych kalektyvaŭ Biełarusi, vystupiŭ u kancertnaj zali «Alimpija» ŭ Paryžy ŭ kancy minułaha hoda.