Kirujučaja kampanija «Zubr Kapitał», jakuju ŭznačalvaje Aleh Chusajenaŭ, inviestavała ŭ adukacyjny prajekt «Škoła Robatatechniki». «Škoła» papoŭniła partfiel fondu naŭprostych inviestycyj SMH.
«Škoła Robatatechniki» źjaviłasia na rynku ŭ 2013 hodzie. Uładalniki biznesu na čale ź Iharam Bialevičam arhanizujuć kursy robatatechniki dla vučniaŭ 1—4 kłasaŭ pa miescy ich zvyčajnaha navučańnia. U nievialikich hrupach (da 10 čałaviek) dzieci znajomiacca z navykami prahramavańnia, 3D-madelavańnia, vyvučajuć budovu kampjutara, fiziku, matematyku i mnohaje inšaje. U ciapierašni čas kursy pravodziacca ŭ kala 25 škołach, a navučajucca na ich bolš za tysiaču vučniaŭ.
Inviestycyi ŭ budučyniu
Jak raspaviała «Ježiednievniku» brend-mieniedžar «Zubr Kapitała» Antanina Sierakova, pieradhistoryja supracoŭnictva viadomaha inviestara sa stvaralnikami «Škoły Robatatechniki» pačałasia ŭ 2015 hodzie. Kamanda «Škoły Robatatechniki» ŭziała ŭdzieł u televizijnym prajekcie «Moj biznes», jakaja stvorana pry ŭdziele i padtrymlivajecca «Zubr Kapitałam». Mientary nie prapuścili «Škołu» pa sietcy spabornictvaŭ, nie ŭbačyŭšy ŭ jaje prezientacyi biznesu.
«Paźniej Ihar Bialevič — lidar «Škoły Robatatechniki» — zaprasiŭ Aleha Ilhizaviča ź dziećmi naviedać ich uroki. Pryjšoŭšy ŭ «Škołu» i ŭbačyŭšy, jak pastaŭleny praces navučańnia, my zrazumieli, što ŭ hetaha prajekta jość vialiki patencyjał i vialikija mahčymaści stać sacyjalnym biznesam», — raspaviała Antanina Sierakova.
U pačatku 2016 hoda «Zubr Kapitał» uvajšoŭ u statutny kapitał «Škoły Robatatechniki» i na siońniašni dzień vałodaje błakavalnym pakietam.
«My ŭpeŭnienyja, što robatatechnika — heta trend najbližejšaj budučyni ŭ krainach byłoha SSSR i aktualny trend u zachodnich krainach. Naprykład, kolkaść hurtkoŭ pa robatatechnicy vyrasła z 74 hurtkoŭ u 2013 hodzie da 203 u 2015 hodzie (statystyka pa krainach byłoha SSSR). 45 pracentaŭ biełaruskich vypusknikoŭ adznačyli, što płanujuć źviazać svajo žyćcio z IT abo inžynieryjaj. I narešcie, Kazachstan płanuje ŭkaranić robatatechniku ŭ jakaści abaviazkovaj dyscypliny ŭ ahulnaadukacyjnaj škole. Usio heta było dla nas tryhieram, što robatatechnika źjaŭlajecca pierśpiektyŭnaj halinoj», — nazvała adnu z pryčyn cikavaści «Zubr Kapitała» da prajekta Antanina Sierakova.
Jašče adna pryčyna — heta inviestycyi ŭ budučyniu.
«Jak fond, my razumiejem, što treba hladzieć u budučyniu. Dla «Zubr Kapitała» «Škoła Robatatechniki» — heta nie tolki biznes-inviestycyja, ale važnaja inviestycyja ŭ raźvićcia ekasistemy i budučyni. Bo my jak fond nie płanujem zaŭtra skončyć svajo isnavańnie, my aryjentujemsia na doŭhaterminovuju pierśpiektyvu, — raspaviadaje top-mieniedžar «Zubr Kapitała». — Kažuć, što najlepšaja inviestycyja — heta inviestycyja ŭ adukacyju. My z hetym całkam zhodny. Siońnia ŭ Biełarusi isnujuć prablemy ŭ śfiery adukacyi. Heta adznačajuć śpiecyjalisty, čynoŭniki, baćki i studenty. Naša adukacyja vielmi daloka ad realij siońniašnich dzion. Navučencaŭ nie rychtujuć da tych vyklikaŭ, ź jakimi im daviadziecca sutyknucca. My razumiejem, što pačynajučy z samych pieršych hadoŭ navučańnia, a «Škoła Robatatechniki» sfakusavanaja na vučniach 1—4 kłasaŭ, my tym samym robim uniosak u raźvićcio budučyni».
Inšyja faktary, jakija sadziejničali ŭvachodžańniu «Zubr Kapitała» ŭ adukacyjny prajekt — charyzma i matyvacyja lidara Ihara Bialeviča, lidzirujučyja pazicyi «Škoły Robatatechniki» pa kolkaści centraŭ i kolkaści vučniaŭ i ŭłasnyja know how — ułasnaja sistema navučańnia i prahrama (uklučajučy anłajn-płatformy), jakija ŭ pierśpiektyvie majuć vialiki patencyjał dla maštabavańnia.
U pierśpiektyvie — rehijony Biełarusi i Rasija
Z momantu ŭvachodžańnia «Zubr Kapitału» ŭ «Škołu Robatatechniki» była sfarmiravana stratehija kampanii, u ramkach jakoj prajekt sfakusavaŭsia na vučniach 1—4 kłasaŭ. Taksama inviestycyi byli nakiravany na pazicyjanavańnie i pracu pa pastanoŭcy brenda, u pastanoŭku finansavaha ŭliku i na źmianieńnie sistemy prodažaŭ i zbytu.
Jak adznačyła Antanina Sierakova, na momant pieramoŭ «Škoła Robatatechniki» pracavała z 10 škołami, u mai ich stała 23, a da kanca vieraśnia płanujecca adkryć 40 škoł.
Pakul prajekt pracuje tolki ŭ Minsku, ale ŭžo ŭ hetym hodzie «Škoła Robatatechniki» pojdzie ŭ rehijony. Taksama vyvučajecca mahčymaści i patencyjał pa vychadzie «Škoły» na rasijski rynak.
