Viadziecca padrychtoŭka vizitu ŭ Biełaruś prezidenta Vjetnama Čan Daj Kuanha, paviedamiŭ 31 žniŭnia na pres-kanfierencyi ŭ Minsku pasoł hetaj krainy ŭ Biełarusi Le Ań.
Dziasiaty prezident Vjetnama Čan Daj Kuanh byŭ abrany na hetu pasadu 2 krasavika 2016 hoda.
Vjetnamski dypłamat vykazaŭ nadzieju, što vizit adbudziecca ŭ 2017 hodzie.
Jon nahadaŭ, što ŭ śniežni minułaha hoda adbyŭsia vizit Alaksandra Łukašenki ŭ Vjetnam i baki padpisali vialiki pakiet damoŭlenaściej. Pa vynikach pieramoŭ ŭradavaja delehacyja padpisała sumiesnuju prahramu supracoŭnictva na 2016—2018 hady.
Pavodle słoŭ pasła, u kastryčniku hetaha hoda taksama płanujecca vizit u Biełaruś vice-premjera Vjetnama.
0
0
0
0
0
0
