Indyja i Rasija padpisali pahadnieńni ab pastaŭkach rakietnych sistem S-400 «Tryumf», a taksama ab vytvorčaści dla VMS Indyi frehataŭ prajekta 11356.
ria.ru
Dakumienty byli padpisanyja pa vynikach pieramoŭ indyjskaha premjer-ministra Narendry Modzi z rasijskim prezidentam Uładzimiram Pucinym, jaki prylacieŭ u Indyju na vośmy samit BRIKS.
Akramia taho, Maskva i Deli padpisali pahadnieńnie ab stvareńni indyjska-rasijskaj kampanii, jakaja zojmiecca vytvorčaściu viertalotaŭ Ka-226T. Usiaho było padpisana 18 dakumientaŭ.
Taksama Pucin i Modzi ŭ režymie videakanfierencyi zapuścili zakładku treciaha i čaćviortaha enierhabłokaŭ AES «Kudankułam». Pieršyja dva enierhabłoki ŭžo pabudavanyja, adzin ź ich zapuščany. U ahulnaj kolkaści płanujecca pabudavać 20 enierhabłokaŭ.
15 kastryčnika Pucin prybyŭ u indyjski štat Hoa, dzie adbudziecca vośmy samit BRIKS. Uviečary ŭ subotu adbudziecca niefarmalnaja viačera lidaraŭ krain, jakija ŭvachodziać u hetuju arhanizacyju — Brazilii, Rasii, Indyi, Kitaja i PAR.