Supracoŭniki adździeła kryminalnaha vyšuku Leninskaha RUUS Minska sumiesna z kalehami z HUUS Minharvykankama za kradziež aŭtamabila «Aŭdzi A6» zatrymali žychara stalicy.
Jak paviedamlaje rajonnaje ŭpraŭleńnie milicyi, zatrymany raspavioŭ, što mašyna raniej naležała jamu, adnak dziaržaŭnymi orhanami była kanfiskavanaja za vyjaŭlenyja parušeńni ŭ dakumientacyi. Tady transpartny srodak byŭ kanfiskavany i pieradadzieny ŭ dachod dziaržavy dla dalejšaj realizacyi. Potym byŭ pradadzieny.
Mužčyna, vypadkova ŭbačyŭšy na vulicy svaju mašynu z novym haspadarom, vyrašyŭ jaje viarnuć. Prasačyŭšy, dzie aŭto pryparkavali, uziaŭ dublikat svaich klučoŭ, jakija pry kanfiskacyi nie pradastaviŭ dziaržorhanam, pryjechaŭ nočču i zabraŭ mašynu.
U dačynieńni da vykradalnika raspačataja sprava pa č. 3 art. 205 KK (kradziež). Jamu pahražaje da siami hadoŭ pazbaŭleńnia voli z kanfiskacyjaj majomaści.
U 2013 hodzie minčuk byŭ asudžany pa art. 233 KK (niezakonnaja pradprymalnickaja dziejnaść), pa pryhavory suda abaviazany byŭ vypłacić u dachod dziaržavy 1 młrd rubloŭ (niedaminavanych). U ciapierašni čas jon nidzie nie pracuje. A ŭ 2015 hodzie Mažajski haradski sud Maskoŭskaj vobłaści asudziŭ mužčynu pa č. 1 art. 222 KK RF (zachoŭvańnie bojeprypasaŭ) z pakarańniem u vyhladzie pazbaŭleńnia voli na šeść miesiacaŭ u kałonii-pasialeńni.