HKK «Budźma biełarusami!» i Sajuz biełaruskich piśmieńnikaŭ zaprašajuć 1 listapada na litaraturnuju dyskusiju «Zabić u sabie anioła, abo Jak być paetkaj u sučasnaj Biełarusi»z udziełam paetak Valanciny Aksak, Volhi Hapiejevaj i Nasty Kudasavaj. Maderatarka — paetka Jula Cimafiejeva.
Sa školnych časoŭ my majem zborny vobraz «paetesy» — sientymientalnaj ci, naadvarot, ekzaltavanaj panienki, jakaja ŭ vieršach tolki i robić, što skardzicca na niaščasnaje kachańnie i apiavaje pryhažość rodnaj ziamli. Ale kolki ŭ tym vobrazie było praŭdy, a kolki many? I chto takija sučasnyja biełaruskija aŭtarki, jakija ŭ tłumnuju infarmacyjnuju epochu imknucca havaryć sa śvietam paetyčnymi radkami? Jak jany pryjšli ŭ litaraturu i čamu zastalisia, pra što pišuć i čaho paźbiahajuć, jakich aniołaŭ i demanaŭ u sabie zabivajuć ci, naadvarot, vyroščvajuć? Jak staviacca da słavy, varjactva, vajny i palityki i jakoj bačać budučyniu paezii paśla siabie?
Adkazy na hetyja i inšyja pytańni, a taksama novyja vieršy ŭdzielnic dyskusii vy pačujecie ŭ Litaraturnym muziei Pietrusia Broŭki.
Pačatak imprezy ŭ 19.00.
Adras Litaraturnaha muzieja Pietrusia Broŭki: vuł. Karła Marksa, 30.
