U Japonii zatrymali 23-hadovaha vypusknika miascovaj VNU, jakoha padazrajuć u tym, što jon abrazaŭ vałasy ŭ žančyn u hramadskim transparcie. U spravie fihurujuć bolš za 30 paciarpiełych, piša VVS.
Akija Jošyda byŭ zatrymany palicyjaj u paniadziełak u japonskim horadzie Nahoja, paśla taho jak zrezaŭ u ciahniku 35-santymietrovy zavitak u 40-hadovaj žančyny. Achviara hetaha nie zaŭvažyła, bo vahon byŭ pierapoŭnieny.
Adnak supracoŭniki čyhunki źviarnuli ŭvahu na padazronaha maładoha čałavieka.
Paśla aryštu Jošyda pryznaŭ svaju vinu i raspavioŭ pra inšyja vypadki vykradańnia vałasoŭ. Jon patłumačyŭ, što źbiraŭsia pradać vałasy na aŭkcyjonie ŭ internecie.
Palicyja vystaviła jamu aficyjnyja abvinavačvańni, paviedamlajuć miascovyja ŚMI.
Z maja ŭ prefiektury Ajci byli ŭviedzienyja dadatkovyja palicejskija patruli z-za skarhaŭ žančyn na napady ŭ hramadskim transparcie. U paciarpiełych adrazali vałasy i razrazali vopratku.