Mihracyjnyja słužby Biełarusi sumiesna z profilnymi orhanami Rasii i ES pravodziać pravierku pa fakcie «źniknieńni» zamiežnych studentaŭ fakulteta daŭniviersiteckaj adukacyi Biełaruskaha dziaržaŭnaha ekanamičnaha univiersiteta. Heta dvaccać čatyry bienhalcy i adzin sieniehalec.
Miarkujecca, što hetyja hramadzianie skarystalisia takoj ščylinaj dla nielehalnaj mihracyi. Pa hetym fakcie pravodzicca pravierka, paviedamlajuć u MUS Biełarusi.
Pavodle infarmacyi, jakaja znachodzicca ŭ rasparadžeńni Ministerstva ŭnutranych spraŭ, niekatoryja z hetych studentaŭ źnikli, pakinuŭšy svaje nacyjanalnyja pašparty i dakumienty ŭ VNU. Niekatorych znajšli na miažy z Ukrainaj i ŭ Rasii. Taksama ŭstanoŭlena, što jašče častka hrupy lehalna vyjechała ŭ Jeŭrapiejski sajuz z dapamohaj Šenhiena.
Jak paviedamiŭ načalnik Departamienta pa hramadzianstvie i mihracyi MUS Alaksiej Biahun, usia najaŭnaja pa spravie infarmacyja apracoŭvajecca. Pravodzicca rabota pa ŭdaskanaleńni sistemy źnižeńnia mihracyjnych ryzyk, źviazanych z atrymańniem zamiežnymi hramadzianami adukacyi ŭ Biełarusi.
U ciapierašni čas u vyšejšych navučalnych ustanovach krainy navučajecca 18,3 tys. zamiežnych studentaŭ.