Hrošy na budaŭnictva płota na miažy z Kalininhradskaj vobłaściu vydzieleny ź biudžetu. Da hetaha času miažu pamiž dziaržavami paznačali tolki śpiecyjalnyja znaki i 13-mietrovaja kantrolnaja pałasa, piša Lietuvos žinios.
Ministr unutranych spraŭ Ejmucis Misiunas skazaŭ Lietuvos žinios, što ŭ hetym hodzie ŭpieršyniu za ŭvieś pieryjad niezaležnaści vydzialajuć kala 3,6 młn. jeŭra na budaŭnictva fizičnaj ściany na miažy z Kalininhradskaj vobłaściu.
«Hetych srodkaŭ pavinna być dastatkova. Pobač z płotam budzie ŭstanoŭlena sučasnaja sistema nazirańnia, na jaje srodki płanujuć znajści ŭ nastupnym hodzie», — skazaŭ Misiunas.
Pa słovach ministra, heta budzie nie kitajskaja ściana, a ŭsiaho tolki umacavanaja ściana, kab nie pranikali kantrabandysty, nielehały.
Płot pabudujuć na ŭčastku 135 km — ad Višcicisa da Niomana (dzie pierasiakajucca miežy Polščy, Litvy i Rasii).
