Supracoŭnica słužby achovy mietro Ludmiła Majstrenka atrymała viadomaść u siaredzinie studzienia paśla kanfliktu z adnym z pasažyraŭ.
Pasažyru nie spadabałasia, što Majstrenka źviartałasia da ludziej pa-biełarusku. Aburany pasažyr, jaki nazvaŭsia Antonam Savickim i pradstaviŭsia hościem biełaruskaj stalicy z Rasii, navat pakinuŭ dopis u knizie skarhaŭ, dzie abvinavaciŭ jaje ŭ naviazvańni biełaruskaj movy.
Jak stała viadoma Jeŭraradyjo, Ludmiłu Majstrenku pieraviali na inšy učastak, jana bolš nie pracuje ŭ pierachodzie pamiž stancyjami mietro Kastryčnickaja i Kupałaŭskaja.
U mietrapalitenie patłumačyli, što pieravod na inšaje miesca nie źviazany z moŭnym skandałam.
«Jaje prosta pieraviali na inšy ŭčastak. U nas ich niekalki pa ŭsioj linii. Ad Kastryčnickaj da Malinaŭki. Kudy padrabiazna, ja nie mahu skazać. Dadam, što pieravod z hetaj historyjaj nie źviazany. Bolš za toje, nakolki ja viedaju, jana atrymała padtrymku ad kiraŭnictva pa vynikach pracy ŭ minułym hodzie», - patłumačyli ŭ pres-słužbie mietrapalitena.
