Prezident ZŠA Donald Tramp i členy jaho administracyi pryciahvajuć uvahu krytykaŭ litaralna lubym svaim nieaściarožnym dziejańniem. Čarhovaja pryčyna dla abmierkavańnia taho, što Tramp nie pasuje dla svajoj ciapierašniaj pracy, — fatahrafija, na jakoj jaho daradčyca Kielien Konuej ŭ fryvolnaj pozie siadzić na kanapie ŭ kabiniecie prezidenta.
Brendan Smialowski, AFP
U paniadziełak, 27 lutaha, Donald Tramp sustrakaŭsia ŭ Avalnym kabiniecie z pradstaŭnikami ŭniviersitetaŭ, u jakich tradycyjna vučylisia i vykładali afraamierykancy. U niejki momant Kielien Konuej (daradčyca Trampa, jana ŭ asnoŭnym adkazvaje za kamunikacyju i časta vystupaje ad imia prezidenta) vyrašyła zrabić ahulnuju fatahrafiju prysutnych u pamiaškańni na telefon - i dla hetaha zabrałasia z nahami na kanapu, a potym, nie mianiajučy pozy, stała niešta rabić u telefonie. U hety čas jaje sfatahrafavaŭ Brendan Śmiałoŭski z ahienctva AFP.
Poza Konuej šmatlikim zdałasia niedarečnaj i niepavažlivaj - jak u adnosinach da Biełaha doma, tak i ŭ adnosinach da prysutnych afraamierykancaŭ. U tvitary navat źjaviŭsia chieštieh #CouchGate - «kanapahiejt». Zrešty, apanienty krytykaŭ Konuej adrazu nahadali, što Barak Abama vielmi lubiŭ fatahrafavacca, zakinuŭšy nohi na prezidencki stoł.
Zrešty, daloka nie ŭsie praciŭniki administracyi Trampa paličyli hety siužet hodnym taho, kab źviartać na jaho ŭvahu, a redaktar vydańnia Mother Jones nazvaŭ šum vakoł fatahrafii «samym idyjockim u historyi».
Sama Konuej pretenzii pakul nijak nie prakamientavała
